احب امشي مع البيداء لحالي=اسوج الرجل واشرف كل عالي
رهاريه السهال المجرهده= بها راحت ظميري والتسالي
اليا مني مشيت الدو الاجند= به ارخص مايسوق صار غالي
جدعت من افحج الويلين عزبه= بها كيف المشورب والدلالي
بها صفرن كما ازوال الصبايا= نهار العيد لابرقع وشالي
وبها نجرن يشابه في عويله= كما ذيبٍ قنب والبطن خالي
قدحت بوقدةٍ سمرن حطبها= عليها اللي يشابه مثل حالي
وحمست البن حمسه شمريه=كما شعلن بعشبات المفالي
عقب دقيتها باللي طنيبه= يصوت للطراقي والموالي
طبخته لين هدت في سريبه= وزانت واستوت ياهملالي
لها تقيت هيلٍ حسب وقمه= تشادي بنّته مسك الغزالي
بصفرا يوم احليها تبارق= لميع اللي بظولات القتالي
واخذت ثنين والثالث كفاني= وطرالي يابن عادي ماطرالي
ذكرت ان الزمن ماهو زمنا= وسود المقبلات ابهن متالي