يالعـذارى جنّـبن درب الذيابــه === الذيابـه من لقـن ما يرحـمـنـه
وان صدفتن ذيب" مكشِر بنابه === بالنعـول وبالحجـاره حذفـنــه
في زمان" فيـه لفّـه وانقــلابه === الحجاب أصل الشرف لا تنزعنه
مانتن بحاجة حصار ولا رقابه === مسلمــات ودينـكن ما تجهلنـه
فاقد الغيـره لو انه من قرابـه === لو يصيح صياح حذرا تسمعنــه
لا تراخــن للمنــافق بالاجابــه === في كتــاب الله وشرعـه قابلنــه
المنافــق لو تخفّـى في ثيـــابـه === النوايــا السـود لازم يفضحنــه
ما فضح عبد الذنب غير الذنابه === لو على الإقلاب حط إدغام غنه
لا تهابـن واحـد" ماحد" يهابه === تافه" حقيـر غـــره ســوّ ضنــه
إقتدن في عايشه بنت الصحابه === زوجة أزكى الخلق وانتن تعرفنه