( لا جيت ابجلس واتذكر لياليك...تغصني العبرات واصير تايه ) << مصافحه أولى

[فالح ال حماد]

السلام عليكم ورحمة الله وبركاته ..
كيف الحال أخواني وأخواتي أعضاء منتدى مجالس العجمان .
صراحه اعجبني المنتدى واعضائه ولي الشرف الانظمام لهذه الكوكبه الجميله من الأعضاء المميزين .
وحبيت تكون أول مشاركة لي قصيده كتابيه + شلة = الالقاء أخوكم فالح العجمي والشلة بصوت الشاعر المبدع محمد العزام ..
واتمنى ان تنال على أعاجبكم ..





/
/

لا جيت أبرقد هيضتني طواريك=وتسج بي ذكراي صوب البدايه
واقوم من نومي والبي واناديك=واقول ارحب يا طبيبي ودوايه
واقعد افكر يا ترا وين اللاقيك=صوتك سرا عني وطيفك معايه
لا جيت ابجلس واتذكر لياليك=تغصني العبرات واصير تايه
ايام حلوه وزينتها حكاويك=وأما الردا مالي معه أي غايه
من يوم غبتي والتعب هد مغليك=مليت من صبري وتزايد عنايه
رحتي بدون اسباب وعجله خطاويك=واصبحت وحدي سارين في شقايه
بقول روحي وماني اليوم ناسيك=لك في صميم القلب قدر وعنايه
وان كان عودتي عسى الله يحيك=ويرد قلبن مات قبل الوصايه

أخيكم / فالح العجمي