ادرس عليك اربع وعشرين ساعه

[وافي بن وافي]

السلام عليكم ورحمة الله وبركاته
مع التحيه والتقدير لذائقتكم الراقيه.. اتشرف بعرض هذه الابيات القليله المتواضعه لأخيكم (وافي) على أمل تنال استحسانكم
.
.
.
.

يحق لك ياصاحبي ماتراعي=ولا تدوّر للعذر والشفاعه
انا سبايب راحتك والتياعي=الذنب ذنبي واشهدوا ياجماعه
اللي دفع بك للغرور اندفاعي=نسيت قدري والثقل والوقاعه
كثر استماعك لي وقل استماعي=ادرس عليك اربع وعشرين ساعه
ماغير من وصفك لوصف انطباعي=بالغت فيك وفي الشغف والولاعه
يستاهل اللي شيّخك وانت راعي=همه رضاك وكل ماقلت طاعه
يحق لك ياصاحبي ماتراعي=اقولها في ذمتي عن قناعه

.
.