السلام عليكم ورحمة الله وبركاته
اسعد الله صباحكم بكل خير ..
جرت هاذي المحاوره بين الشاعر الكبير علي بن بلال " شاعر يام "
والشاعر الكبير : طريخم الرياحي البقمي - في دولة قطر الشقيقه
وهي من المحاورات الحقيقه لهذا الفن و حصري لكم ولعلها تحوز على رضاكم :
علي بن بلال
ياسلام الله سلام كل مانبدابه = ماينوش السيف أبوحدين راس اليامي
والكلام اللي سمعنا حاسبين حسابه = الليالي تدور واحلق راس ابوعرامي
طريخم
مرحبا الترحيبه اللي تقنع الطلابه = والله اني في لزومي ماشتكيت عضامي
كل ماشفت الرياحي لاترد الجابه = والله انا نعرف اللي يعبد الاصنامي
علي بن بلال
الرياحي لو افتش غترته وثيابه = كان سبيته وسميته من الايتامي
عارفين القافله والكلب والكلابه = والكرامه مانقدمها بدون ايدامي
طريخم
والله انا مانحب الصحبه الكذابه = اتركوا درب الجهل درب الجهل هدامي
مايحسب النمر يضحك يوم يطلع نابه = غير واحد بالخلا تسريبه الاحلامي
علي بن بلال
جدك الحطاب اعرفه وامك الحطابه = كيف تبغانا على متنك نحط وشامي
تجرحون البدو وانتم للغنم حلابه = كل ماحذرتكم زلت بكم الاقدامي
طريخم
من كلاه الداب لاشاف العقال يهابه = ارد فوق الحوض واشرب يالبعير الضامي
لاتجر الصوت قدمك في الطريق ذيابه =وان طلبت العافيه ياذيب ماتنلامي
علي بن بلال
لو لزمت ابليس ابحلق لحيته واشنابه = وارهنه لين اشرب الما والورود حيامي
وانت راس غليص والمعروف تقفل بابه = واحمدالله لانت صاحب لي ولاغرامي
طريخم
وشتبي بالشر والتمر الحمر فالعابه = قشر حظك يوم جابتك القدر قدامي
ان بغيتوا حرب قدمك وان بغيتوا عتابه = يذبحك طلقه من اللي جبتها في حزامي
علي بن بلال
الكلام اللي يكت الدرب ويش ابغابه = الاصيله لي واحطلها رسن وخطامي
15-07-2009, 05:19 AM
العرض الشجري
المواضيع المتشابهه
