انا احمد اللي عزني وانا فقير..!!

[منصور بن جعشه]

انا مزاجي غير لو مانيـب غيـر=
والا بعـض الاشيـاء لله درهــا =
وانا الذي لاذعذع الغربي عصيـر=
لي غترةٍ صلف الهبـوب يكرهـا =
كن في يدي مثل الرحا اللي تستدير=
قدلـي ثـلاث ايـام وانـا افرهـا =
ظلمتني ياوقت وانـا لـك جويـر=
وعلمتني وش حلوها مـن مرهـا=
وكشفت لي سرك وانا سري في بير=
وكشفت لي وجيـهٍ تبيـن سرهـا =
اربع وجيه ومابهـا وجـهٍ بشيـر=
اتـبـع الشيـطـان ولا سـرهـا =
كذاب ومنافـق ومحتـال وحقيـر=
تغويـك لبسـه عقلهـا وغترهـا =
انا احمد اللي عزنـي وانـا فقيـر=
وعزز سلاطين العـرب فديرهـا =
وانا ادري اني عايش وعايش بخير=
فـي دنيـهٍ لـو ماكفتنـي شرهـا =
لكن الا جاتك على الضلع القصيـر=
تنس على الكبـد النظيفـه حرهـا=
لو تكتم الافـواة ويغـض البصيـر=
يمكن يكون احسـن لهـا وابرهـا =
عقلي كبير وعشت في الدنيا كبيـر=
وامشي على البيدا وادوس حفرهـا =
والا البحور الزرق والموج الغزير=
ماغـرنـي لولـوهـا ودررهــا =
افج كبد القـاع بالسيـف الشطيـر=
والا الجريرة في سدا مـن جرهـا =
يقودنـي للطايلـه سلـك الحريـر=
يوم ان غيري تلتهي في صورهـا=
لكن مالي غير اعرضهـا البعيـر=
ان القحت والا الجمـل ماضرهـا =