مــــــــابه جـــــــديد .. لتواصل

[" مــــابه جديــــد "]

بسم الله الرحمان الرحيم

يالله من وقتٍ تخالف هقاويه=ودنين على العاشق تجر البلاوي
ماهوب حب وعشق مخضب ايديه=لاوالله الا حب حرٍ نداوي
طيرٍ ثلاث اسنين عندي وانا اغليه=في بيعته والله ماني بناوي
مير البلا وقف كذا حض راعيه=الصيد مامن صيد والكل هاوي
اقنص ثلاث اشهور ادوج انا فيه=اطى مدارجها وكل الحراوي
ولاينذكرلي قفر الا وانا اجيه=يضيع الصقار كثر الهقاوي
ياطير لااتكثر علي المشاريه=اقصر عنان الهرج خل الحكاوي
مفلس من الثنتين لاذي ولا ذيه=مابه جديد ان قيل عني شقاوي
قبلك لعبي صاحبٍ كنت اداريه=قفى وخلاني وحيدٍ خلاوي
الله حسيبه كيف يجرح مداويه=والله حسبه كيف صار المداوي!!
يوم انها بين العميل ومخاويه=بار اعمل وضاع حق المخاوي
لاشك ماني نادمن من تجافيه=صدرت من بيره وانا منه راوي
قطفت من شينه حلاوت لياليه=وأشفيك كبدي من قراح الشفاوي
وذلحين عزت نس تمنعني اتيه=اشطب علي واكتب بدالي فداوي

وسلامتكم