الله من هم بروحي سهجها ؛؛

[شيخة الغلا]

الله من هم بروحي سهجها = بخافي ضميري في كنين الحشا لاااج
أحر من نار توقد وهجها = منها خطر روحي على سلك ديباج
وعين عسى الله يعجل فرجهاا = يفوح ناظرها كما عين هداج
إسترسلت للدمع من مارهجها = غيظ يكظ عبارها مثل المواج
كم واحد له غاية ماهرجها = يكنها لو هو للأدنين محتااج
يخاف من عوجا طويل عوجها = هرجت قفا يركض بها كل هراااج
يقضب عليك المخطيه من حججها = حلو نباه وقلبه أسود من الصاج
الله خلق دنيا وساع فججها = وعن مايريب القلب لك كم منهاااج
والرجل وإن شطت لياليك سهجها = عسى تواليها تبشر بالإفراااج

من روائع محمد السديري