امة الأسلام توبو؟؟؟؟؟؟؟؟؟؟؟؟

[منصور الوذين المري]

امة الأسلام

بان شيب الراس من مايصير وما نرى= أه يادنيـا العجايـب ماكثراطعونهـا
واقع ملموس نرضاه غصبٍ واجهرى= فيه عدوان العقيده تكـش اسنونهـا
نطمح لِقـدام واحنـا نعـود للـورى=ليت ماحن نعرف العولمـه وافتونهـا
ان بغينا انوجَه الناس قبل الأعـورى=بان لك من دونها من تحـد اقرونهـا
ماعرفنا من نقابل ويامـن هـو درى=لارحل واحد ايجينا خبيـث اعفونهـا
المشاهد حية مـن سمـع والا قـرى=والعه كالجمرة اللي علـى غليونهـا
ياحديثٍ جابه المصطفى خير البـرى=من تكاتفهم علينـا حسـب قانونهـا
وياحديث بالصحيحيـن ماهويُنكـرى=كلكم في اثغور الاسـلام واتحمونهـا
امة الاسلام توبو كفى لعـب وعـرى=قبل لا نصبح رميم تحـت مسحونهـا
العذر ياويش بنقول يـوم المحشـرى=كبرها قولة ضحك بالبشر شيطونهـا
يالله انك تغفر الذنـب ياحـي وتـرى=ذا جهدنا وكل مسلـم بقلبـه دونهـا
تحفظ حماة العقيده وبيت ام القـرى=وكل مسلم يطلب الله بكـل اركونهـا
وتحفظ البيت الخليجي عسى مايدمرى=واجعله بالعز دايم واهلـه اتصونهـا
قالها المري بعد شاف شـيٍ يقهـرى=ضاع فكره من طعنها ومن مطعونهـا