(~ الجمر في ~ )

[مطلق اليامي]

الجمر في قلبي وشوقي يشتعل وأنت الحطب = والنار لو مابه حطب معروف ما يبقى جمر
أميزك من دون خلق الله وأذا تبقى السبب=أميزك والقلب يكبر و أنت لك حب وقدر
ربي عطاني يوم ربي جاد فيني لي وهب=الجادل اللي لا مشت ماكن علي الدنيا خصر
أم العيون الواسعة وأم الكحل وأم الهدب=الخشم سيف والثغر من شفته موت حمر
والخد وردي و الثنايا برق ليل لا سحب=عيون منهو ساري في وجهته لا من نظر
والطول طول والحلايا في حلاياها عجب=ولا النهود صغار سلمني علي بيضاء النحر
لا من مشت بتقول حتى المشي تمشي بأدب=والعنق لا من جات شفت الليل في طول الشعر
أن سلمت بتقول مابه صوته ولا أنه نشب=ون شفتها من بعد جاك الليل وأنواع الغدر
حتى رفيقك في حلايا الزين فيه ينقلب=ويبيعك لغيره وياتيها وصعب ما قدر
يافاتنه في داخلي شيخ وفارس لا حرب=من صلب يام العريضه لا حظر وقت الفخر
معرب الجدين ولا ف النسب راعي النسب=لا خوف لا فسله ولا عندي علي الدنيا كبر
بقول لي كلمه عسى الدنيا توريك الطرب=البارحة يوم السهر جاني وعذبني السهر
كتبت في قلبي وقلبي في حياتي قد كتب=أصد لا شفتك تصدين وحياتك لي أمر
والحب فيه الموت لحمر والغلا مسك العتب=لا من تغلا لك غلا راحت حياتك له نذر
بدون تقديم السبب مابه سبب الا لسبب=منهو يعزك فدوتك مايهدك طول العمر
ون جا خطا غير مفهيمك ولا يبغى النشب=يعني تواضع من جنابي والهجر درب القهر