قدلي ثلاث شهورمتضايق..روعة لمعاشي المري

[مسعطر]

قصيدة أعجبتني و قلت أنقلها لكم إن شاء الله تعجبكم..
لمعاشي ابن علي آل روضة آل هتيلة المري..

وين أنت؟؟ قد لي ثلاث شهور متضايق=ما عاد لي في التحمّل و الصبر طاقه
أقول رايق لو إني ماني برايق=و أضحك لو إن دمعتي للخد سبّاقه
هم ٍ بقلبي و هم ٍ سبر و موايق=و الا ضربت الخلا يمّي نقض ساقه
من شافني قال لا نايم ولا فايق=ما قدّر اللّي زمانه شيّن أخلاقه
يسوق دمع العيون من الحزن سايق=و الدمعة اللّي سببها حزن درّاقة
لا والله إلا مريض و خاطري ضايق=دام الحزن في سماي يلوح برّاقه
حلم ٍ كبير ٍ حلمته صار لي عايق=و أصعب من الحلم تفسيره و حقّاقه
و إن جيت ابسلى سجع بالصوت ابن شايق=جدّدّ جروح الحزين و لجّت أعماقه
يا خافقي منت للّي لاج بك طايق=لا شك الأيام جمّاعه و فرّاقه
نعم نعم لي ثلاث شهور متضايق=الوقت وقت ٍ ردي و الهاجس إلحاقه
وين أنت قد لي ثلاث شهور متضايق ..؟؟=ما عاد لي في التحمّل و الصبر طاقه

و دمتم بود..