كفن وردا

[عبدالله ال مجحود]

كل نبضه من فؤادي بحروف اسمك تبوح = وكل قطره من دمائي رددت باسمك صدى
تنثر الدمعه عيوني عيت الدمعه تروح = واختلج بالصدر ونه والسهر ايضا بدا
الخلايق عيدت مابين ضحكات ومزوح = ما حداهم في فرحهم مثل ماعندي حدا
ابتسم في وجه ناسي وايضا بوجه الجروح = لكن القلب المعذب ما بعد ليل ٍ هدا
كم سرى فكري ليالي كم جهم قبل السروح = كم يتوه وكم يواصل كم تحير كم غدا
عدتي تعيدين عيدي؟ .. عدتي تعيدين روح؟ = او تراوى لي سرابك من بعيد ٍ بالمدى؟
عدتي افراح ٍ وبهجه؟ .. او جروح وزود نوح؟ = هل تمدي الورد شوك ٍ او تمديها ندى؟
ما خبرت الوقت يعطي دايم ووقتي شحوح = ماخبر بالوقت طيب وما خبر انه به ردى
ندري ان الورد دايم بالعطر بنـّه تفوح = وندري ان الروح اقفت من تحت كفن وردا