مناجاه واعتراف والجديد مع اسنجاري

[منصور الوذين المري]

الجديد مني لكم اسأل الله ان يتقبل مني ومنكم صالح الأعمال ويغفرويستر سيئها
منجاه واعتراف

يــالله ياللـي لاألــه غيــره = سبحان من له كل شـي يسبحـي
رافع سبع السمـوات بـلا عمـد = وباسط سبع الأراضي مع الدحـي
ادعـوك يارحمـن يافـرد صمـد = يامحيي الموتى واميت(ن) كل حي
ياناصر محمد نبيـه فـي بــدر = ويامرسل (ن) جبريل لأبلاغ الوحي
سامع دبيب الذر في صم الصخـر = عالم بما تخفي النفوس وتفصحي
يالله تعافينـي وتيسـر وجهـتـي = وتغفر خطياتي من قبل المسدحـي
وتغفر اذنوبي اصغارها واكبارهـا = اذنوب تزعجنـي بقلبـي تلفحـي
لو اطلعت علـى المـلا ياكبرهـا = الناس ضاجت كيف هـذا ملتحـي
العين تخطـي واللسـان بـزوده = والنفس امـاره ولاهـي تستحـي
والأذن سماعه بما يـدور حولهـا = والفم يبلعهـا وتمضغهـا الرحـي
والأنف شمام(ن) بما جاب به الهوا = واليد تبطـش طولهـا ماتكبحـي
والرجـل تمشينـي بمنـوة قلبـي = والجسم يلبسهـا ولهـا توشحـي
واذنوب بالنيـه وياويـش النيـه = وابليس يغريهـا ولشفـه تنتحـي
هـذا بعضهـا والا هـي ياكثرها = يالله تسترهـا وتمحيهـا مـحـي
هذا دعاي ويـا الاهـي ارتجـي = رحمتك في الدنيا مدام اني صحـي
وتغفـر خطايـا والدينـي كلـهـا = وتدخلنا الجنـه وبعفـوك نربحـي
واخر كلامـي مثـل ماهـو اولـه = سبحان من له كل شـي يسبحـي

منصور منيخر الوذين المري