حنّا لهم من عقب الأتعاب حرّاس

[نواف الشمري]

سر يا قلم واكتب بديعات الأمثال = من فكر شاعر ينثره فوق قرطاس
يابوي.. لو قلت أنا أشعار وأقوال= ما أوفيك حقّك يابعد كل هالنّاس
قدرك كبير,حمولة جبالٍ ثقال = والله لأشيله عاليٍ فوق هالرّاس
عمر الوفي ما ينسى لو تجيله أشغال=وشلون انا يابوي .. أضيّع هالألماس
إنت وأمي أعيادي.. يا روس الأموال = أنتم أصل روحي .. وأنتم لها ساس
منكم خذيت الحِكَم.. ونهلت الأمثــال = أنتم هل التعليـم من دون كرّاس
ماهمّني قول ناسٍ صابها هبال = قالوا كثير.. وأقوالهم كلّها أدناس
قالوا: الرعاية مكان مربين الأجيال = عقب الكبر .. ماعاد لهم بيننا ساس
قلت .. افهموا ولا تطيعون الأنذال = حنّا لهم من عقب الأتعاب حرّاس
وش هي حياتي بلا حلـم .. وآمال = مثل الذي بين الأقدام منداس
ما أطيع انا شور كل كاذب ومحتال = والله لأبقى لهم خادم .. طوول الأنفاس
وأخوي اللي به الروح دوم تختال = لا جاب ذكره أفتخر وأرفع الراس
أبو بدر .. تفداه روحي والعم والخال = ما لحبّــه بين المعاليق مقياس
حيّيت .. ياخوي يا طيّب الفال = ياللي على الروس الصعيبات دوّاس
طير حرٍّ مسكنه في روس الأجبال = ماهو رخم ينزل على حول الأفطاس
عزّتي .. والفخر ماهي بكثر الأموال = ولو كان مالي كثر حمر الأطعاس
أخواني .. اللي للثقيلات دوم حِمَّال = لا جاء وقت الضيق .. للضيم حِبّاس
هم الفخر .. لا غدى الهم ألوان وأشكال = قاموا .. وفعولهم مثل ضرب الأجراس
زلّت بي الأقدام .. والدرب ميّال = لكن رجعت .. رجعة الذيب " دباس "
يابوي .. اِحصد اليوم من دون مكيال = نواف انا يابوي .. للطيب غرّاس
انا لها يابووي .. يوم العمر بك طال = والعود .. أسعى له بتالي عمره للأوناس