.....................500...................

[محمدالحويله]

جديد

ياطول ليل المشتـا ياقسـى بـرده=لعيون ليل المشتا ماطفـت ضـوي
مايذبل الحـب فينـي لاذبـل ورده=احكم رباط العلاقـه معـه وآقـوي
اللي جيوشه على روض الحشا مرده=وايرج حدب الضلوع بقصفه الجوي
يفرق كما ال 500 في وسط خـرده=يجرح بكيفه عروق القلب وايكـوي
صدر له العام قلبـي قاصـد ورده=علّه يوقف بجـال العـد وايـروي
تقبل من غيابه اهموم الدهر جـرده=وتقفي ليا مرني والا وقـف تـوي
اطرده لوه يقفـي واهتـوي طـرده=واطلع على شانه المرقاب وآهـوي
وان طال ليل المشتا مانتهى سـرده=ريش المخدات مانـي فيـه متلـوي
ان ماحصل منك ياتمر الحسا فـرده=والله لاشيـل وان آحـط واسـوي