الجادل اللي تعدت ب الجمال الحدود

[مانع الوعيلي]

الجادل اللي تعدت ب الجمال الحدود =تستاهل احلى القصايد واجزل بيوتها
من هاجس يصرف القيفان صرف النقود =كنة يمرر لي الكورة وانا ..اشوتها
ترسل عليها الهجوس من المعاني وفود =مرجانها ..مع جواهرها ..وياقوتها
عذرا على الباقيات من العذارى تزود=ماخلت احدى خصال الفتنة .تفوتها
في جيدها والعيون وفمها والخدود =الشام ..من لاذقيتها ..لــ بيروتها
العام كانت علي ب فاكهتها تجود =فراولتها ..كرزها ..خوخها ..توتها
وتفاحها اللي علية اغلى الحرير محسود =سحر يحكم الشيوخ ويلبس ابشوتها
ياقطع كبدي ياليت الوقت الاول يعود =يوم انها ب الغلا قوتي ...وانا قوتها
كنت اتغزل بها وعباد ...ربي ارقود =ارقد على صوتها واصحى على صوتها
واليوم يابري حالي ..ياوجودي وجود = قفت وراحت جعل موتي قبل موتها