ألى ذكرت عصور وقت ٍ لنا زال .. ذكراه نفسي ضرّها ما بهجها .. لـ لاهوم بن شريم

[مسعطر]

السلام عليكم و رحمة الله و بركاته ..

هذي قصيدة أعجبتني لشاعر مجيد و قوي في نصوصه الشعرية
القصيدة هذي قال لي أحد الأخوة إنها من أقل مستوى للشاعر
هذا أي : إن له قصايد أقوى منها بكثير ..

و للمعلومية الشاعر لا ينشر أبداً ..



أترككم مع القصيدة اللي أعجبتني و إن شاء الله تعجبكم ترضي ذوائقكم ...

يا والله اللي طوّلت ضيقة البال =و النفس للراحات مكثر حوجها
تمرسلت بهمومها و التغربال=سود الليالي سمّ حالي عوجها
ألى ذكرت عصور وقت ٍ لنا زال=ذكراه نفسي ضرّها ما بهجها
أونست نار ٍ فالحشا تشعل إشعال=يا الله هوّنها و برّد وهجها
و أدوي و فكري للهواجيس منزال=الناس عندي : غير ما أسمع لججها
رحمتك يا اللي للصعيبات حلاّل=أنا لغيرك علّتي ما أهرجها
اللي لا ضاقت و ميزانها مال=عليك يا ربّ الخلايق فرجها
يا ظامن الدنيا ترا مالها حال=لابدّ من يوم ٍ تضيـّـق فججها
النفس من ما صابها شفت الأهوال=ما فيه يوم ٍ همـّـها ما سهجها
و أنا معاديها على الصبر لو طال=و إن شفتها ملّت و كثرت حججها
ألزمتها .. و أجبرتها .. بالتحِمـّـال=آموت صبر ولا تبيـّـن حرجها

لـ لاهوم ابن راشد ابن طالب آل شريم ..


دمتم بود ..

[فـارس]

مسعطر

صح الله لسانك ولسان شاعرها

وعز الله انها جزله والله لا يهينك على نقلها

وتقبل مروري

[أميرة الإحساس]

صح لسان بن شريم على هالقصيده الجزله

ولاهنت مسعطر عالنقل

يعطيك العافية

[الغروب]

اخ / مسعطر شكرآ عالنقل ... وصح لسان شاعرها.

[شيخة الغلا]

كلمات تمتع القارئ بجمال المفردات والمعاني
تنقلنا من أقصى اليمين..إلى أقصى الشمال
ولكنا مازلنا نتقوقع في دائرة إبداعك

قصيده جزله وصح لسانك
لا عدمنا نقلك لراقي

تقبل مروري سيدي

[مهرة النسيان]

صح لسانه ولا هنت على النقل الطيب يامسعطر ..

وبكذا تصير حقوق النقل محفوظه لك دام الشاعر ماينشر

تشكراتي ..

[مسعطر]

المشاركة الأصلية كتبت بواسطة فـارس

مسعطر

صح الله لسانك ولسان شاعرها

وعز الله انها جزله والله لا يهينك على نقلها

وتقبل مروري

صح بدنك أخي فـارس ..

و الجزل و الجميل هو مرورك ..

يا مرررحبا ..

[مسعطر]

المشاركة الأصلية كتبت بواسطة مهندسة العجمان

صح لسان بن شريم على هالقصيده الجزله

ولاهنت مسعطر عالنقل

يعطيك العافية

صح بدنش أختي مهندسة العجمان ..

ولاندمتي و شكراً على مرورش ..

يا مررحبا ..

[مسعطر]

المشاركة الأصلية كتبت بواسطة (لولين)

اخ / مسعطر شكرآ عالنقل ... وصح لسان شاعرها.

العفو أختي (لولين)

و شكراً على مرورش ..

يا مررحبا ..

[مسعطر]

المشاركة الأصلية كتبت بواسطة شيخة الغلا

كلمات تمتع القارئ بجمال المفردات والمعاني
تنقلنا من أقصى اليمين..إلى أقصى الشمال
ولكنا مازلنا نتقوقع في دائرة إبداعك

قصيده جزله وصح لسانك
لا عدمنا نقلك لراقي

تقبل مروري سيدي

حياش الله اختي شيخة الغلا ..

و شكراً على مرورش ماعليش زود على الكلام الطيّب

لش جزيل الشكر ... يا مرررحبا ..