الـتـوجـاد مع بـارود (((( حمد بن قريان ال خويطر ))))

[سعود الخويطري]

السلام عليكم ورحمة الله وبركاته



أسعد الله جميع أوقاتكم بكل خير وسـعاده



اقدم لكم هذه " التوجدات " الرائعه / الـنـادره



لـ الشاعر الكبير " حمد بن قريان الخويطري " ((( بــارود )))




عسى أن تنال على اعجابكم وأرضاكم :

وجودي وجود اللي تراكم عليه الدين = حدوه المقرّد لين حرّج على بيته
يبي طرحت ديونن تعدّت على الميتين = ولا وفّت البيعه وكمّل بوانيته
وقالوا تشيل أغراض بيتك قبل يومين = تباكو وراعينه وكثرت تناهيته
على اللي حياتي دونها ما سوت قرشين = تباطا القصيد ويحسبنّي تناسيته

[p5s][/p5s]

وجودي وجود اللي حلاله غدا بالموج = طبع محمله وأقفا على لوح شلمانه
تقبض بلوحه وأزرق اليم ساجه سوج = تذكّر عجوزه وأخزنه صغر غلمانه
على واحدن كل المداخيل دونه عوج = ظلمه الزمان ولا أتجرّا بظلمانه

وجودي وجود اللي حبيسن ورا الشباك = تذارف دموعه كل ما شاف شيبانه
عليه الحكم صادر بمرسوم من "ذولاك" = ترقّب قصاصه والوساطات تعبانه
على واحدن لامر صاب الضمير ارباك = أسلّم عليه ويستمع ورع جيرانه

[bdr][/bdr]

وجودي وجود اللي على أوّل مفز صباه = يتيمن وإخيه ملاحظن كل ماجوبه
وقف عند لمّة حادثن ما درا بأقصاه = تفكّر وإلى سيارة إخيه مقلوبه
كشف منّه لحافه وصوّت ولاحاكاه = درا إنّه توفّا وإعتزا ثم مزع ثوبه
وجودي وجوده والحشا فيه ما كفّاه = على واحدن شدّو عربهم وقفوبه

[p5s][/p5s]

وجودي وجود اللي طمع والطمع منحوس = تراكم عليه الدين قرضن وسيّاره
دفع في "هبتكو " كل ما جمّع من فلوس = على نيّته والناس تنصب وعيّاره
خذا عقدن مزوّر والعبو عليه هيوس = غدا المصري بحقّه وهو يطرد أخباره
عقب ما أعلنو الاقلاس كثرت عليه هجوس = فلا يبغي النشده ولو جات من جاره
وجودي وجوده يا عرب موجة "المنكوس" = على واحدن عيني ليمّته سبّاره
قتلني قتله الله وجرّح حشاي بموس = ترا أن مت ياربعي فالاسباب من (....)

[الملكة]

توجدات حزينة..ورائعة..
صح لسان حمد بن قريان الخويطري
والله يعطيك العافية..سعود الخويطري..

[مسعطر]

الله على ابن قريان أثره هواوي حدّه....

إبداع.. إبداع.. إبداع..


و الخافي يبين يا أخّي سعود ... أسمح لي.. و يعذرني ابن قريان.. :3rbe4:

قتلني قتله الله وجرّح حشاي بموس=ترا أن مت ياربعي فالاسباب من ساره

و أنا قدني بحط موضوع أسمه أقلط يا سعود الخويطري..

و أقولك جب لنا قصايد ابن قريان...

لكن كفيت و فيت و ابن قريان خذ كل قصايده و قل جمهورك يبيها..

و أشكرك على النقل الجميل..

تحياتي..

[مهرة النسيان]

ابيات راررئعه وجميله

خذا عقدن مزوّر والعبو عليه هيوس=غدا المصري بحقّه وهو يطرد أخباره

مع المه يوجد لديه حس فكاهه

شكرررا ياسعود ..

[الكونكورد]

وجودي وجود اللي على أوّل مفز صباه = يتيمن وإخيه ملاحظن كـل ماجوبـه
وقف عند لمّة حادثن ما درا بأقصـاه = تفكّر وإلـى سيـارة إخيـه مقلوبـه
كشف منّه لحافه وصـوّت ولاحاكـاه = درا إنّه توفّا وإعتزا ثـم مـزع ثوبـه
وجودي وجوده والحشا فيه مـا كفّـاه = على واحدن شـدّو عربهـم وقفوبـه

لحوووووووول


والله اللي توجد ومنكوس بعد


صح لسان ابن قريان


ولاهنت ياسعود وسلمت يمناك يالجزل


تقبل احترامي وتقديري

[سعود الخويطري]

المشاركة الأصلية كتبت بواسطة الملكة

توجدات حزينة..ورائعة..
صح لسان حمد بن قريان الخويطري
والله يعطيك العافية..سعود الخويطري..

الملكه



مرحبا ومسهلا والله يحيك



شكرا على مرورك وتواجدك الطيب




تقبلي سلامي

[ابومحمد الشامري]

وجودي وجود اللي طمع والطمع منحوس
تراكم عليه الدين قرضن وسيّاره
دفع في "هبتكو " كل ما جمّع من فلوس
على نيّته والناس تنصب وعيّاره

صح لسان البارود ويا كثر ما يتوجد يا بري حالي

لا هنت يا ابو محمد على النقل الرائع

[الفرس]

وجودي وجود اللي على أوّل مفز صباه=يتيمن وإخيه ملاحظن كـل ماجوبـه
وقف عند لمّة حادثن ما درا بأقصـاه=تفكّر وإلـى سيـارة إخيـه مقلوبـه
كشف منّه لحافه وصـوّت ولاحاكـاه=درا إنّه توفّا وإعتزا ثـم مـزع ثوبـه
وجودي وجوده والحشا فيه مـا كفّـاه=على واحدن شـدّو عربهـم وقفوبـه

بصراحه في قمة التوجد .. وقمة تمثيل اللحضه الموجعه ..

صح لسان الشاعر .. وصح اختيارك استاذي سعود الخويطري ..

بصراحه ادخلتنا جو .. لاهنت وتقبل اعجابي ..

[كفيل غلام]

الله عليك يا سعود وين طحت على مقتطفات بارود

حمد بن قريان غني عن التعريف شاعر وصقار وشهم جلست مع هذا الرجل وسمعت قصايده وهداني شريط لبعض قصايده الرائعه

سعود ياليتك تنشر كل ما عندك للشاعر
وخصوصا الغزل وقصايد الطير والقنص

[بطاح]

وجودي وجود اللي طمع والطمع منحوس
تراكم عليه الدين قرضن وسيّاره

اشهد انة توجد ,,


لا هنت يا سعود وبيض الله وجهك ,,


وصح لسان بن قريان ,,