بدون عنوان

[مسفر بن جوخه]

السلام عليكم ورحمة الله وبركاته

بعيد عن الغزل اللي عرفتوني منه

اقدمها لكم بدون عنوان

الله مـن قلـبٍ غدالـي عقوبـه=حتى وانا نايم تجينـي طواريـه
إما سهرت الليل أحسـب ذنوبـه=ولا قعد يجمع بصدري المشاريـه
لا والله إلا أهموم قلبـي سروبـه=وياعزتي للـي همومـه تسريـه
إما بلعها والعـرب مـا دروبـه=ولا أفتضح لا من ردعها بياديـه
متناقضٍ مابين نصحـن وتوبـه=والناس ما تدري وش اللي معنيه
بس البلا لا قـام يصـلا شبوبـه=مدري أطفـي النـار ولا أطفيـه
والرجل لا من الرجال أنتخوبـه=ماله من الأعـذار ياقـود لبيـه
أحدٍ على فك العقـد مـا دروبـه=وأحدٍ على فك العقد فطـرةٍ فيـه
وأحدٍ تساوى مشرقه مع غروبـه=لو تجلبه بالسوق محـدٍ بشاريـه
والحق بين الناس معروف ثوبـه=ما يلبسه رجـلٍ حقوقـه تناديـه
والصدق سيف العدل لو عذربوبه=كم واحدٍ ياقـع وصدقـه ينجيـه
والعرف هو ساس الفرج لا دروبه=أهل العقول الضايعه من حواليـه
والبخل بابٍ يقطع اللـي مشوبـه=يالله لا تجعلني أمسـك عراويـه
ياشينها لا شفـت حقـك غدوبـه=اللي تخاف الله وفرظـه تصليـه
وياشينها لا قيـل للرجـل كوبـه=وبوه وجده فعلهـم يفتخـر فيـه
دنيا تقلـب بيـن نوبـه ونوبـه=خلت عروق القلب تشرح خوافيه

[وافي بن وافي]

صح لسانك وبيض الله وجهك على هذه الرائعه .. لك مني أجمل تحية .

[الغروب]

مسفر بن جوخه

صح لسانك على القصيدة الجزلة

وفي انتظار كل ابداع .

[مسفر بن جوخه]

وافي بن وافي
صح بدنك
ولا هنت على المرور

[مسفر بن جوخه]

الغروب
صح بدنش
ولاهنتي على المرور

[أبن قيم]

يا سلام يا أبن جوخة

قصيدة جزلة ومن روعتها تمنيت أنها لي

على القوة وننتظر إبداعك

[someone]

صح السانك يا النشمي

[مسفر بن جوخه]

صح بدنك يالنشمي
ولاهنت على المرور