ياليل عابر سبيل

[حبيب]

مساكم الله بالخير بدر طاروووق مباشر لاهنت

سلام تسليمةٍ لاهل القلوب النظاف=اللي تعرف السنع وتقدر اصحابها
يابدر قرب وانا باضرب بحد الرهاف= وبعض الدعاوي ترى مانحسب احسابها

["بدر العجمي"]

هلا ومرحبا يا بو سعيد
لنا الشرف

والسموحه الجهاز قبل شوى علق معى

يامرحبا ياهلا والقاف يقفاه قاف=ترحيبتن طيبه وحبيب اولابها
انته حبيب وفعلك فعل فارس يشاف=يالحية العز يلى تكرم اشنابها

[حبيب]

العود جاب الخبر يومه تعنى وطاف=والكلمه اللي ذكر مدري وش اسبابها
ياماتجملت فيهم غير ناسٍ خفاف=وامراضهم خافيه مانعرف اطبابها

[أبو مسعود]

الله عليكم يا شعاااااار وواصلوا

<<<<<< متابع

["بدر العجمي"]

هههههههه اى يارجال

العود له كلمتن ترجح بخسمة الاف=وليا لقا القوم فالمحراب صلابها
احد ايتقدم بها وحدن يعود خلاف=ونته حبيب ياما ودابها وجابها

[السنافي]

يعطيكم العافيه ياشعااااااااااار

[حبيب]

ابو مسعود

السنافي تشرفنا متابعتكم

يابدر انا دون روحي مالحقني خلاف=ماهمني شيعة الديره ولا احزابها
من عادتي مالتفت ياصاحبي للضعاف=لكن شفت العرب سلت لي احرابها

["بدر العجمي"]

صدام لو قال مالى ذنب وانا مخاف=السيف فرقبتها الى زان مظرابها
يابحر منته بخبرا تاليتها الجفاف=والروس محدن مساويها مع اذانبها

[حبيب]

اعزاز ارحب تشرفنا متابعتك

انا تعنيت معهم في السنين العجاف=وفي تالي الوقت تحذفني بمشعابها
انا عفيفٍ وربعي كل ابوهم عفاف=والقافله ماشيه لو تنبح اكلابها

[جزيل العطا]

صح الله السنتكم يا شعار واصلو وسجلوني متابع لكم