توك صغيـره وابتديتـي تحبيـن

[مانع الوعيلي]

توك صغيـره وابتديتـي تحبيـن
من علمك ليل السهر ياصغيـره ؟
بدري عليك العشق يابنت هاللحين
حرام هذا القلب وشهو مصيـره ؟
انتي بريئه في الهوا ليه تشقيـن ؟
دروبه طـوال ٍ عليـك وعسيـره
رحتي بدرب ٍ ماله اصلا ً عناويـن
وانتي مشاويرك من اول قصيـر ه
ياطفلة ٍ حبّت وراحت على ويـن ؟
عقب الهنا ذقتي الحيـاه المريـره
وينك ووين الحب والشوق والبين ؟
عنّيتي عيونك وصرتـي سهيـره
امحق تسلّـي كـان ودّك تسلّيـن
الورد لولا اللون وشهو عبيـره ؟
خلّيتي دروسك وصرتـي تحاتيـن
الدرس في ديره وصرتـي بديـره
وصرتي بعد من غير هذا تغاريـن
والمشكله يابنـت منتـي خبيـره
نصيحتي لـك كـان ودّك ترديـن
يـم السعـاده والحيـاه المثيـره
خلّـك بجـو العايلـه لا تعـدّيـن
ماما وبابـا والعجـوز الضريـره
شيبانك اللي مـا يبونـك تعانيـن
من بينهم عشتـي كأنّـك اميـره
الحب قبلك هـز نـاس ٍ كثيريـن
خلاّ القلوب تعيـش هـم ٍ وحيـره
الحب يفضح لا انكشف داخل العين
وانتي بنفسـك ماهقيتـك بصيـره
طيعي كلامي واحذري لا تماديـن
تراجعي لاعل فـي الأمـر خيـره
عيشي الطفوله والبراءه لك سنين
وبعدين حبـي لا غديتـي كبيـره



للشاعر الكبير / حمد بن سعد المسرع

[وافي بن وافي]

سلمت يداك يامانع على هذا النقل وصح لسان الشاعر حمد المسرع ... لك مني أجمل تحية .

[مانع الوعيلي]

لاهنت اخوي وافي بن وافي على المرور ويعطيك الف عااااافيه

[هـاردلكـ يـاقلبي]

صح لسانك

[مانع الوعيلي]

ولسانك ولاهنت اخوي هارد لك ياقلبي على المرور ويعطيك الف عااااااااافيه

[ليــه يازمـــن]

صح الله لســان الشــاعر

ولاهنت عــلى النقــل والذوق الحـــلو

[مانع الوعيلي]

ولا انت ولاهنت على المرور ويعطيك الف عااااااااافيه

[حنان العجمي]

عيشي الطفوله والبراءه لك سنين
وبعدين حبـي لا غديتـي كبيـره

روعه يعطيك العافيه

[مانع الوعيلي]

لاهنتي اختي حنان العجمي على المرور ويعطيك الف عاااااااااافيه

[طليقان]

صح لسان الشاعر ابن مسرع
ولاهنت يامانع على النقل..!