وين تلقى مثل شخصي شخص . . وطباعي طباع . .؟؟

[راعية اطيب قلب]

لو خسرتك ماخسرت العمر والدنيا متاع . .
وأدري إني لو خسرتك ماخسرت إلا القليل . . .


بس فكر زين . . تعرف من خسر فينا وضاع . .
وتعرف إنك لو تلف الأرض . . وتدور بديل . . .


والله إن تبطي . . ولو لفيت كل البقاع . .
ولو تسوي وش تسوي ماأنت لاقي لي مثيل . . .


وين تلقى مثل شخصي شخص . . وطباعي طباع . .
ووين تلقى مثل قلبي قلب . . أو مثلي خليل . . .


البشر واحد . . نعم . . لكن فرق الإنطباع . . .
يجعلك يمي تميل . . ويم غيري ماتميل . . .


يارفيقي إنتبه . .! وأحسن إلي الإستماع . .
للمواقف دور في كشف المزيف . . والأصيل . . .


وأنت ماقصرت فيني . . موقفك جداً شجاع . .
طعنتك بالظهر فعلاً كانت إثبات ودليل . . .


بيض الله وجهك اللي ساتره تحت القناع . .
ورايتك بيضا معاي وياعسى عمرك طويل . . .


يعني أعطيك الثقه وتردها بـ<لوي الذراع> . .
ياخي ماشا الله عليك أبدعت في رد الجميل . . .


مدري كيف أشكرك . .؟ مدري كيف أرد الصاع صاع . .
كنت احسب إنك عزيز النفس . . تطلعلي ذليل . .!! . . .


كم وأنا عيت أصدق فيك قدر المستطاع . .
من غبائي كنت أسكت وأعذرك وأثر الحصيل .؟ . . .


جرح قلب . . ميزته في كل يوم الإتساع . .
ودمع عين ينهمر من ضيقتي . . في كل ليل . . .


والله إني كنت أحبك حب . . وأتبعك إتباع . .
كنت لجل أرضي غرورك . . بس أسوي المستحيل . . .


كنت أعمى فيك . . لالا . ! كنت ميت للنخاع . .
كنت مدري كيف . ؟ لكن كنت صادق معك حيل . . .


كنت أمارس في غرامي لك سياسة الإنصياع . .
وكنت لاغي معك فكرة أعتزل أو أستقيل . . .


إندفعت بكل مافيني . . وسوء الإندفاع . .
يجبر الإنسان أحياناً . . يفكر بالرحيل . . .


صدمتي فيك إنت . . خلتني أفكر بإقتناع . .
إن قتل النفس راحه لو أنــا كنت القتيل . . .


إنفجر راسي من التفكير . . وإزداد الصداع . .
كيف أنــا بفتك من جرحك . . ؟؟ ودوشة<<قالٍ وقيل>> . . .


صرت سيره في حلوق الناس وتالي هالضياع . .
أنتحر . .!! معقول . . ؟؟ يالله وش هذا الغليل؟؟ . . .


رحمتك يااااارب لامن ضاقت امنحني الوساع . .
إنت حسبي في الزمان الجاير ونعم الوكيل . . .

لاغدى <مستقبلي والماضي> أطراف النزاع . .
وصفحة الماضي سواد . . وشيء من هذا القبيل . . .


فلازم أنسى . . لجل أنهي بداخلي هذا الصراع . .
ولازم أتقوى . . عشان أحقق النصر الجليل . . .


وطالما إن الهجوم أفضل وسيله للدفاع . .
مستحيل أرضخ . . لو إن الحمل ياربعي ثقيل . . .


والبخيل اللي نساني . . وإشترى فيني وباع . .
يذلف الله لايرده . . والله بجرحي كفيل . . .


وإن سأل عني . . وجاكم بعد فترة إنقطاع . .
علموه إني نسيته . . بس أنا ماني بخيل . . .


طالما كان السبب في قوتي . . قبل الــوداع . .
بلغوه أقل شيء . . بخالص الشكر الجزيل . . .
]]>

[shmoo5_ al_ajmy]

ياسلام

وين تلقى مثل شخصي شخص . . وطباعي طباع . .

ووين تلقى مثل قلبي قلب . . أو مثلي خليل . . .

يسلموو طرح يدل علي الرقه والرقي

تقبل مروري

اختك/ بنت المشاعر

[العـــسر]

راعية أطيب قلب

لاهنتي على هذا النقل الجميل


شـكــ وبارك الله فيك ـــرا لك ... لك مني أجمل تحية .

[صالح أل صليع]

وطالما إن الهجوم أفضل وسيله للدفاع . .
مستحيل أرضخ . . لو إن الحمل ياربعي ثقيل . . .

كفو ولله
ولاهنتي

[راعية اطيب قلب]

بنت المشاعر

ارحبي

ولاهنتي على المرور

وربي يسعدش دنيا واخره

[راعية اطيب قلب]

العسر
ارحب مليون
ولاهنت على المرور

وربي يسعدك دنيا واخره

[راعية اطيب قلب]

ارحب ياصالح

ولا هنت على المرور
وربي يسعدك دنيا واخره

[محمد الغيثاني]

راعية أطيب قلب

لاهنتي على هذا النقل الجميل

[الغروب]

راعية اطيب قلب

اختيار موفق لقصيدة سهله بابياتها ومعبرة في معانيها

وصح لسان شاعرها .

[عليل المحبه]

رحمتك يااااارب لامن ضاقت امنحني الوساع . .
إنت حسبي في الزمان الجاير ونعم الوكيل . . .

سبحانه

وصح السان الشاعر

وعساك تسلمين على هالرائعه
المؤثره



خالص الود