طير بن حثلين...والشمري

[فواز العجرف]

يقول ابو جمال المنيس

في ليلة 24/2/2008 مريت على ماضي الجنفاوي بالحفر ووجدت عنده

كل من محمد العقيل الشمري والشاعرعلي المبرد المشري والشاعر سعد الرمث

الظفيري ومجلس كبير وشفت عندهم شيهانه من أجمل الطيور اللي شفتها

وقلت من هيله هالشيهانه قالوا هذى لمحمد العقيل فقلت الف مبروكة ولكن هي

اللي ابعدتك عنا بكم شريتها وقال اولا مقدمه لك وشكرته

قلت اخاف انه تلهيني عن عنكم وشكرته جدا لانه لزم على اهدائها لي وقال

لو ان الهدية ما تهدى ولكن انا وياك يابو جمال واحد فقلت صحيح ولكن من

اللي اهداك هذه الشيهان الطيبة فقال هذه هديه من الشيخ خالد بن سلطان ابن

حثلين فقلت والله والف نعم هذولا هم اهل العطاء واهل الكرم والعلوم الغانمة

وقال كل الحاضرين كذلك وعشرين نعم بال حثلين

والعجمان عموما وانت يا محمد تستاهل كل خير .

وهنا تدخل اخوي الغالي الشاعر علي المبرد وقال ترى اسمها شمرا

ولكن سميناها اليوم انا وماضي ومحمد وسعد الرمث سميناها على اسم اختك

شدن وقلت اختي ما تربط وحاولت ان افك سبوقها وقالوا خلاص ما راح

نسميها الا بموافقتك وقلت موافقتي مشروطة بموافقة اختي شدن على الاسم

وبعد ما مشيت منهم تذكرت ان الشيهانه جميله ومن اطيب الطيور .

(( شدن هوجاس هي اخت لي باحد المنتديات الادبية وهي اخت عزيزة

عبر المنتدى فقط وفي احد اللقاءت لي بالمنتدى تكلمت عن اصدقائي ردت

علي بقولها تمنيت لو اني رجل واكون صديقك فرديت عليها بقولي انت اكثر من

الصديق بل انتي اختي بمعنى الاخوة الحقة واصبحنا مثل الاخوان من ذلك اليوم

وعبر المنتدى فقط ولا اعرف اسمها الحقيقي وما اعرفه انها اخت لي واعرف

قبيلتها فقط ))



وفوق هذا هي هديه من شيخ العجمان ابن حثلين ومليون نعم

وبعد ان سريت منهم للكويت ارسلت له ابيات

واكملتها ونزلتها بالمنتدى وقلت انا موافق على الاسم بالشرط الاول وشطر

جديد هو ان لا تربط داخل اسوار مغلقة وتكون في مكان مفتوح وتحتها ديباج

وفوقه حرير تقديرا لاسم مهديها ابن حثلين ) واسم من سميت عليه .


.وامل ان تنال هذه الابيات رضاكم


.................................................. ................................................

شيهـانـةٍ لابــو حمـيّـد خطـيـره=اسمه كبيـره ومـن صواريـم حـوران
فيهـا مـواري مـن حـرار الجـزيـره=وفيهـا شمـوخٍ مرتفـع مثـل بـرزان
شيهـانـة تـسـوى حــرارٍ كثـيـره=جت لك هديـة مـن طويـلان الأيمـان
مـن روس قـومٍ يكعمـون المغـيـره=زيـزوم يـام وعزهـا يـوم الأكــوان
ياطيبهـا جـت مـن زعيـم العشيـره=خالـد ولـد سلطـان والجـد راكــان
الفـعـل وافــي و الهـديـة كبـيـره=ميزانهـا يرجـح علـى كـل مـيـزان
اليـا اقبلـت تشبـه عيـون الأمـيـره=واليـا ادبـرت تشبـه مناكـب كحيـلان
وعيونهـا مثـل الـوحـش مستـديـره=سـودن مدامعهـا تقـل تعطـي الـوان
والكـف وافـي والمخـالـب شطـيـره=وجنحانهـا ماهـي مثـل كـل جنحـان
عشرين فـي عشريـن جملـه نظيـره=من تضربه بكفوفهـا فـي خبـر كـان
أمانتـك تـحـرص لـهـا بالبـريـره=عطها لحـم غـزلان والا لحـم ضـان
سميتهـا بأسـم الجـفـول المـذيـره=شادن على اسم اختي شدن دون حقران *
بأسمـاء خواتـي كلهـن دون حـيـره=لكن شدن عندي تـرى شانهـا شـان *
وأحـذر علـى شيهانتـك فـي مطيـره=أمانتـك لاتختـفـي يــا كحـيـلان*
لانـه علـى اسـم مـا يشبـه بغيـره=و خفـي بيّـن مثـل ضلـع رمـان
مـن يسمعـه كانـه يحكـم ضمـيـره=يقول ما يربـط سمـي خـدر الاعيـان
ولا تنحبس فـي شبـك داخـل حظيـره=تبقـى ببيـتٍ ترفعـه عشـر عـمـدان
وديبـاج فوقـه قطعـةٍ مـن حـريـره=تبقى هـدد فـي كيفهـا سـر وإعـلان
أو غيّـر اسمـه جعـل بالامـر خيـره=مـا تربـط وانـا معـي قلـب ولسـان

عقيل سعود المنيس الشمري
ابو جمال
كم ابدع الشاعر بالوصف والمدح وابوجمال اسطوره باشعر....اتمنى ان تنال اعجابكم

فواز بن عجرف الشمري

[ابومحمد الشامري]

الاخ العزيز والغالي فواز العجرف بيض الله وجهك على السالفة والقصيدة الرائعة والجزلة ونعم فيكم يا شمر غالين من اول وتالي والله لا يهينك.

[البشر]

لاهنت يا خيك وماقصرت يالسنافي ...

[فواز العجرف]

مشكورين وبيض الله وجيهكم على المرور

[مسعطر]

الاخ العزيز والغالي فواز العجرف بيض الله وجهك على السالفة والقصيدة الرائعة والجزلة ونعم فيكم يا شمر غالين من اول وتالي والله لا يهينك.

[راكان بن فيصل الحثلين]

الأخ.فواز.
لاهنت على الموضوع والقصيده وبيض الله وجهك ونعم والله فيكم ياشمر من كبيركم لا صغيركم وافي يالشمري وبيض الله وجهك
وتقبل مروري لاهنت


وشــكــرآ,,..,,..

[فواز العجرف]

الاخ مسعطر............؟مشكور على هذه الكلمات الراقيه

[فواز العجرف]

الأخ.فواز.
لاهنت على الموضوع والقصيده وبيض الله وجهك ونعم والله فيكم ياشمر من كبيركم لا صغيركم وافي يالشمري وبيض الله وجهك
وتقبل مروري لاهنت


وشــكــرآ,,..,,..

اخي الشيخ راكان بن فيصل ال حثلين ....لي الشرف انك تمر وتقرأ الموضوع وتعلق عليه كل الشكر..على مرورك

[فواز العجرف]

اتمنى ان نالت اعجابكم اخواني وخواتي بمنتدى مجالس العجمان

[&آهــــات الحــــزن&]

شـيـهـانــة تــســـوى حــــــرارٍ كــثــيــره جــت لــك هـديـة مــن طـويـلان الأيـمـان
مــــن روس قــــومٍ يـكـعـمـون الـمـغـيـره زيـــزوم يـــام وعـزهــا يـــوم الأكــــوان
ياطيـبـهـا جـــت مـــن زعـيــم العـشـيـره خـالــد ولـــد سـلـطـان والــجــد راكــــان


صـــــــــح لســــــانك اخـــــوي فــــــواز

ولاهنت بيض الله وجهك على ذا القصيده الجزله