ماني بمتكبر ولا ني بمغرور

[سالم محمد اليامي]

مانـي بمتكبـر ومـانـي بمـغـرور=لكـن انـا انـسـان كـلـه كـرامـه
ياللي اتهامك كـذب من غير مشكـور=خربتها ياصاحـبـي والسـلامـه
ومن غير انا مالـف وألعـب ولا ادور=ردة فعـل منهـو نــوى بانتقـامـه
بحق الجليل منـزل الكهـف والطـور=لاسوقهـا والـراس كـلـه قـرامـه
ومادامـنـي لا قلـتـهـا دوري ادور=الشعر باسمـي كنـه يكـرب أحزامـه
((اكبر شنـب عنـدي مكبـل ومدحـور=وأكبـر بعيـر يهيـج بقطـع سنامـه))
خذها كذا من غيـر عفـواً ودستـور=ورسـخ كلامـي ليـن يـوم القيامـه
ماني بحاظـر بمسيـه شبـه مخمـور=مثـل امسيـاتٍ شفتها بالمنـامـه
لأنني مـن حزب((كيفنـت ماجـور))=ماهـو بحـزب الدايـري والثمـامـه
حرابنـا وقـت اللـقـا دوم مكـسـور=((كم شيخ قومِ طـاح راسـه أمامـه))
حنـا بنيبنـا المجـد بالعـز والنـور=والخيـل والسيـف الحـدب والعمامـه
أحفاد ابو طاب علـى العهـد والشـور=واحزام ابـو سـاق وذخايـر أحزامـه
وعزوه(( لبن حثلين)) أبو سيف مخبور=وأعصابة ((المري)) على كـل قااامـه
يعني قبايـل يـاام ياثـور ابـن ثـور=أهل الوفا والصيـت وأهـل الزعامـه
ولا انت حزبك حـزب هايـات بنجـور=اللـي ولدهـم بالـمـوازم أهـلامـه
قد قلت انا من حزب كيفنـت مااجـور=ماهـو بحـزب الدايـري والثمـامـه

[نواف محمد بن شلوان]

الشاعر الرائع الكبير / سالم محمد اليامي

ارحب ملاين يالسنافي

قصيده جزله من راس جزل

لاهنت يابو محمد

بيض الله وجهك

لك تحياتي وتقديري

[عالي الهمة]

ابو محمد اسمح لي ان اقول رائعه بمعنى الكلمة

واسمح لي ايضا ان اقول انه ابداع بما يحمله الابداع من معاني

لا يسع المتامل الا ان يقف طويلا مرارا وتكرارا امام هذه الشاعريه الفذه

(( لانني من حزب كيفنت ماجور
ماهو بحزب الدايري والثمامة ))
ما اقول عند هذا البيت غير اشهد بالله انه ونعم ونعم ونعم لين سقف السماء

لاحرمك الله الابداع ولا حرمنا التمتع بهذا الابداع

واستاذنك ان اجاري هذه الرائعه باخرى ولكن اقل منها روعه ان سمحت لي ولك التحيه !!!

[عجميه الرس]

سالم محمد اليامي



صح لسااااااااااااااانك


والله يعطيك العافيييييييييييه

[عبدالله آل عامر]

لأنني مـن حزب((كيفنـت ماجـور)) = ماهـو بحـزب الدايـري والثمـامـه
حرابنـا وقـت اللقـا دوم مكـسـور = ((كم شيخ قومِ طـاح راسـه أمامـه))

الشاعر سالم بن محمد

صح لسانك واعتلا شانك وبيض الله وجهك على هذا الإبداع

وليس بغريب عليك الإبداع والتميز كما عودتنا

تقبل فائق الاحترام والتقدير

[سالم محمد اليامي]

المشاركة الأصلية كتبت بواسطة عبدالله آل عامر

لأنني مـن حزب((كيفنـت ماجـور)) = ماهـو بحـزب الدايـري والثمـامـه
حرابنـا وقـت اللقـا دوم مكـسـور = ((كم شيخ قومِ طـاح راسـه أمامـه))

الشاعر سالم بن محمد

صح لسانك واعتلا شانك وبيض الله وجهك على هذا الإبداع

وليس بغريب عليك الإبداع والتميز كما عودتنا

تقبل فائق الاحترام والتقدير

عبدالله ال عامر


وجهك ابيض يالذيب

وصح بدنك

ولاهنت

لاخلا ولا اعدم


اخوك

الراوي

[سالم محمد اليامي]

المشاركة الأصلية كتبت بواسطة عجميه الرس

سالم محمد اليامي



صح لسااااااااااااااانك


والله يعطيك العافيييييييييييه

عجمية الرس

صح بدنش

ولاهنتي

كل الشكر لش

اخوش

الراوي

[سالم محمد اليامي]

نواف

البقى يامرحب



صح بدنك

ولاهنت


لاخلا منك
اخوك
الراوي

[سالم محمد اليامي]

عالي الهمه


هلا وغلا ياعااااااالي

وصح بدنك ولاهنت
وماعليك زود يالغالي
بالنسبه للمجاراه ماعندي الا حلالك وخذ رااااااااااااااااااحتك التاااااااااااااااامه



اخوك

الراوي

[العازميه]

والنعم والله يالياميه كلهم لا هنت سالم على هالقصيده الزينه