قصيدة ( محمد بن فطيس )

[برستيج]

قصيدة في قمـة الروعـه
شعر / محمد بن فطيس

مانيب ناسي قصةٍ صـارت وانـا ازورالقبـور
لازلـت افكـر فـي غرابتهـا وبالـي تشغلـه

ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه


سلّم وجا صوبي يقول : ابنشـدك يللـي تـزور
عن حالة الدنيا وعن وضع الزمان وعـن هلـه

أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه


قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه

أما البشر , , , لا والله الاّ غير من حد الجـذور
صار انتقالٍ مـن يميـن الـى يسـار المنقلـه


استغرب الشايب من اللي قلـت وبليّـا شعـور
حط اليمين اعلىالشمال وخاطـره فيـه اسئلـه

قال : افتني عن حالة الشيبان والشيـخ الوقـور
أهل الخبر والراي والحكمـه وضـرب الأمثلـه

القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلـه


قلت : البعض منهم على ما قلت في وصفك وقور
قدوه ولكن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه

والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّلـه

بهيمةٍ يرجـع علـى منحـاه الاوّل ومحصـور
فـي لعـب بيلوتـه وريـح زقارتـه ومعسّلـه

والبعض الآخر شابت رموشه على درب الفجـور
ينقـل جـوازه للسفـر مـن مزبلـه لا مزبلـه

أشيمطٍ زانـي قضـا عمـره بحانـات الخمـور
والعايلـه ورعٍ يغـرّر بـه وبـنـت مهمّـلـه


قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه

شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وتـوبٍ تسبلـه


قلت : العـذارى فـي زمنّـا ببغـاوات الطيـور
تقليد هرج و عرض ريـشٍ خلفهـا تستخملـه

تلبس عباةٍ ضيّقـت حـول الردايـف والخصـور
فضيحةٍ تكشف جسدها مـن علـوّه لـاسفلـه

وموضة شيالٍ تكشف الوجنات والـوان الشعـور
والمحـرم تبـدّل بـجـوالٍ بيـدهـا تحمـلـه

لا فوّحت صفر الدلال ولا عرفت غـش القـدور
تطبـخ لـهـا خـدّامـةٍ بالعايـلـه متوكـلـه

الأم ما صانت عفاف البنت من عمـر الزهـور
والأب ديّـوثٍ تحكـمـه حـرمـةٍ مسترجـلـه

وشلـون يتربّـى عيـال ام التبـرّج والسفـور
الاّ خنـازيـرٍ دمـاهـا بــارده ومغـفّـلـه


قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه

الوافي الشهم الغيور اللي لعرض الجـار سـور
البار عند امّـه وابـوه وعلـم ربعـه يشغلـه


قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى الاّ عـالـمٍ متبنطـلـه

ناسٍ ( فلنتينو ) وناسٍ تلبـس ( كرستانديـور )
صار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )
والبل راعيها غدا يشـرب حليـب ( النستلـه )

مامنهم اللي قام دون اعـراض جيرانـه غيـور
من قام قالو , , وشـملقّف حضرته ؟ وشـدخّله

والوالدين حقوقهم ضاعت وعنهـم فـي نفـور
ان غـاب عنهـم لا تذكرهـم ولا جـاه الولـه

بدّا عليهم شلّـةٍ تهـوى الوطـا بيـن الجحـور
لو تعزله عنهم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور
حتى ابن عمّه يعرفه بالوجـه واسمـه يجهلـه

بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه


ناظر لي الشايب بعينٍ تجمـع السبـع البحـور
يقول : انا لا يمكـن ادخـل مجتمعكـم واقبلـه

انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه

وــدي وتقديـري ,,

[محمد بن ناصر الغفيلي]

محمد بن فطيس شاعر فذ مليئة أبياته بالمعاني الجزيلة والحكمة

وحقيقة هذه الأبيات مؤلمة ومخجل واقع هذا الزمان التي تتحدث عنه ولكنها مع الأسف ظلمت حينما خبأت بعض الصفات الحسنه حيث الخير لايزال وأهل الخير نراهم ونؤمن بوجود الخير في هذا الزمان حتى وإن كان أقل خير من عهود مضت

فالإيمان والإعتقاد بوجود الشيئ يحيي وجوده وإن قلنا نحن أفضل من أي زمان مضى فسنكون بإذن الله وتوفيقه


الأخ القدير رسمي لاهنت على إيراد القصيدة وبيض الله وجهك وجمل حالك


تقبل مروري

[برستيج]

المشاركة الأصلية كتبت بواسطة محمد بن ناصر الغفيلي

محمد بن فطيس شاعر فذ مليئة أبياته بالمعاني الجزيلة والحكمة

وحقيقة هذه الأبيات مؤلمة ومخجل واقع هذا الزمان التي تتحدث عنه ولكنها مع الأسف ظلمت حينما خبأت بعض الصفات الحسنه حيث الخير لايزال وأهل الخير نراهم ونؤمن بوجود الخير في هذا الزمان حتى وإن كان أقل خير من عهود مضت

فالإيمان والإعتقاد بوجود الشيئ يحيي وجوده وإن قلنا نحن أفضل من أي زمان مضى فسنكون بإذن الله وتوفيقه


الأخ القدير رسمي لاهنت على إيراد القصيدة وبيض الله وجهك وجمل حالك


تقبل مروري

الله يسمع منــك اخي / محمد , ويزيدهم ويكثرهم اهل الخير لكن اصبحنا نرى وقائع مخجله بمعني الكلمه

لا هنت ع المرور المميـز

[عليل المحبه]

القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلـه

الله الله

واقع يابن فيطيس

صح الله السانه

ولاهنت يالرسمي على الجزله

[عرجاني2]

قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه

و

قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه

شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وتـوبٍ تسبلـه

أعجبتني....
شاعر والله يابن فطيس الله يبيض وجهك.
ولاهنت أخي رسمي.

[برستيج]

عليل المحبه

شاكر مروركـ القديــر ولا هنت عليـه

[برستيج]

ذويق يالعرجاني2

ولا هنت ع المرور الراقـي والجميل

[مشتاقة للجنة]

صح لسانك شاعرنا محمد بن فطيس
ولا هنت أخوي رسمي
يعطيك العافيه

[برستيج]

مشتاقة للجنة

صـح بدنـج مميزتنا ويعافيـج ع المـروـر الجميـل

[king الوادي king]

رسمي الله لايهينك وبيض الله وجهك على النقل الظيب منك

وصح لسان ابن الذيب

والقصيده كان بنزلها ولكنك سبقتني ولاهنت ياذيب