طلعت للبر يا عزوز *** أوسع البال عصرية.. شيلة للشاعر ضاوي العصيمي

[عبدالله آل عامر]

السلام عليكم ورحمة الله وبركاته
:
مساكم أو صبحكم الله بالخير جميعاً
:
هذي الشيلة للشاعر ضاوي العصيمي
:
وقصتها موضحة في الأبيات
:

طلعت للبر يا عزوز=أوسع البال عصرية
لقيت خيمة سفاها القوز=بيدين رفلان مبنية
أصحابها وضعهم مهزوز=شلة شبابٍ عماوية
جميعهم لابسين جنوز=وبالروس قصات غربية
غداهم التست والمالتوز=وعلبة حلاوى طحينية
والدش قدامهم مرزوز=وطبول وآلات فنية
وشبوطٍ أشهب قصيّر بوز=ما للقرم فيه مارية
سلمت ثم همهموا بلغوز=ماوحيت ترحيب وتحية
قلت العوايد ذهب وكنوز=وين السلوم الخليجية؟
قالوا لي ابليز منها جوز=بلا عوايد بدائية
خلك شبابي ومعنا فوز=برحلات برٍّ حضارية
ومن القهر طق فيّ فيوز=وبغيت أسل القديمية
قلت ايه.. أجل خبزكم مخبوز=والبر يبغى شقردية
يبي الذي يبعدون النوز=دايم وهم نارهم حية
فيها الغضى بالحزم مكزوز=ودلالهم حيد مركية
ومعهم حرارٍ ترد الحوز=شقرٍ تسمى نداوية
ما سامروا مثلكم فيروز=على القناة الفضائية
قالوا كلامك هذا ما يجوز=وين الصفات الرياضية؟
البر ما هو لاحد محجوز=لا تكثر الهرج موليه
وش فيك كنك لنا مدزوز؟=وأظنها نيتك نية

:

:
للتحميل اضغط هنا
:
تقبلوا تحياتي
:

[أبو جاسم اليامي]

الله لا يهينك يا عبدالله ال عامر
على القصيده الرائعه

[الغروب]

عبدالله آل عامر

تسلم على القصيدة اللي واضح قهر الشاعر من هااتصرفات

صح لسانه

ولك التقدير.

[سماوي1]

عبدالله آل عامر

تسلم على القصيدة اللي واضح قهر الشاعر من هااتصرفات

صح لسانه

ولك التقدير....

[فيصل العجمي]

لاهنت يا عبدالله...

تحياتي...

[عبدالله آل عامر]

لاندمتوا جميع وتسلمون على تشريفكم
:
والله ما له لايم لارتفع ضغطه
:

[ليــه يازمـــن]

لاهنت

والله يعطيك العافيه

تقبل تحياتي

[عبدالله آل عامر]

لاندمت والله يعافيك
:

[عبدالله بن اعجمي]

لا هنت ع القصيدة يا ][ عبدالله آل عامر ][


قصيدة رائعهـ وشيلهـ أروعـ ..


لا تحرمنآ من جديدكـ يا السنافي ..

[عبدالله آل عامر]

لاندمت يابن اعجمي وأبشر بكل جديد يالسنافي
: