السلام عليكم ورحمة الله وبركاته
الشمس من شعّاقها نورهـا طـل=ياللي تظلل من سمـوم السعيـره
لا لا تظن العوسجه تحتهـا ظـل=ولا سراج الجـار بيتـك ينيـره
والشجرة العوجى ترى عودها جل=وإن كان ماتفطن بتصبح خطيـره
بعض المظاهر تحتها هايش الصل=ياغافـلٍ سمّـه تحمـل مصيـره
لا تامن اللي بالخفى خنجره سـل=ولا تنعت اللي ما يزبـن جويـره
ذيب الخلا يدوي ولا هوب من ذل=إلا يخـوف كـل كلـبٍ وإميـره
والعقده اللي شفتهـا مالهـا حـل=اللي عقدها حط في الأمر خيـره
ياذيب وافطن كلمتن سطرها قـل=ماقل دلّـت بـه معانـي كبيـره
جاتك سحايب فزعتي مزنها هـل=واللي يقص حدودها طوّل مسيره
والليل مهما طـال لابـد ويمـل=ويجلي صباحه كل هـم وحيـره
التعديل الأخير تم بواسطة : صالح الغباري بتاريخ 10-01-2012 الساعة 07:39 PM.
|