العين صكات الليال اطرفتها!

[عيد سمران]

العـيـن صـكـات الـيــال اطرفـتـهـا=والقلب لوعات الزمان العبـت فيـه
والرجل صعبات الامـور اعسفتهـا=احـس جسمـي مقـيـداتٍ خطـاويـه
ونفسـي مقاديـر الشـقـا غربلتـهـا=اكابـد اقــداري عـلـى سـكـة التـيـه
وروحــي مشـاويـر العـنـا تعبتـهـا=ضِـحـيِـة ايـامــي وتـالــي ليـالـيـه
يـاسـائـلٍ عـــن ضـحـكـةً شتـتـهـا=سـود اليـالـي جــاك عـلـمٍ مخبـيـه
هـذي هـي الحالـه وهـذي صفتـهـا=لاتلوم من هو قاسي الوقت طاويه
عــزالله انـــه لـوعـتـي ماحكـتـهـا=نفسـي ولابانـت بخـاف المشاريـه
لـكــن بـــدا بـالـوجــه ماخلـفـتـهـا=لوعة زمانٍ شفـت مُـرّ القسـا فيـه
واليـوم يـوم انـك سألـت وروتـهـا=ابيـات شعـرٍ شارحـة لـك معانـيـه
اعــذر دمــوعٍ وجـتـنـي عانقـتـهـا=هلـت مــن آلام الـزمـان وبـلاويـه
شـفـت العجـايـب كلـهـا جامعتـهـا=لـيـالـي ايــــامٍ ثـقـيـلـه مـواطـيــه
لـيـالـيٍ نـفـسـي حـشــا ماألفـتـهـا=تأبـى ولكـن حكمـة الـرب راضيـه
لأنـــه مـــن الأيـمــان مـاقـدرتـهـا=حكمـة ولـي الكـون تؤمـن بمافيـه
وانــا فـلانـي معـتـرض ماقضتـهـا=مشيئـة الخـالـق ولانــي بعاصـيـه
لاشــك لامــن الهـمـوم اعصرتـهـا=نفـسـي لابــد تــأن وتــأن واتـيــه
والحسـره اللـي صحتـي دهورتهـا=وبنت على وجهي من الهم مافيـه
ماهـي بسيطـه مـن خفـايـا كبتـهـا=قـلـبٍ حـمـل هـمـه وهــمٍ حوالـيـه

[محمد الغيثاني]

ابن سمران يسعدني اكون اول من يرد على القصيده الرائعه والجزله

تحياتي لشخصك الكريم يالسنافي

[عيد سمران]

المشاركة الأصلية كتبت بواسطة محمد الغيثاني

ابن سمران يسعدني اكون اول من يرد على القصيده الرائعه والجزله

تحياتي لشخصك الكريم يالسنافي

محمد الغيثاني

ويسعدني اكثر تواجدك على رأس هرم الزوار هنا

لك صادق ودي وتقديري على طيب مرورك

دمت لمن تحب بكل خير

[سعيّد ابوجعشه]

عيد بن سمران صح السانك على القصيده الجزله وفي انتظار جديدك

[عيد سمران]

سعيد ابوجعشه

مرورك وسام على صدر مشاركتي

شكرا لك

[الغروب]

الشاعر / عيد بن سمران

مرحبآ بك وبهذه القصيدة الجزله ...وصح لسانك .

[عيد سمران]

لولين

شكراً لاطلالتك هنا

تشرفت قصيدتي بمرورك العذب

[بخيت البريدي]

ماهي بسيطه من خفايـا كبتهـا
قلبٍ حمل همـه وهـمٍ حواليـه



صــــح اللــه لســـانـــك يا عيـــد .... وبيـــض اللــــه وجهـــك



قصيـــده طيبـــه .... مـــن شـــاعــر جميـــل وجــزل



تـــقبـــل مــروري ,,

[عيد سمران]

بخيت

اشكر لك طيب مرورك

وشرفني حضورك هنا

[نوض البنفسج]

السلام عليكم


عزالله انـه لوعتـي ماحكتهـا
نفسي ولابانت بخاف المشاريـه
لكـن بـدا بالوجـه ماخلفتهـا
لوعة زمانٍ شفت مُرّ القسا فيـه
واليوم يوم انك سألـت وروتهـا
ابيات شعرٍ شارحة لـك معانيـه
اعذر دمـوعٍ وجتنـي عانقتهـا
هلت من آلام الزمـان وبلاويـه


صح لسانك وسلم لنا نبض قلبك وابعد الله عنه الحزن وبلاويه



تحياتي لك