هنا نص محاورة نادره بين الشاعرين الكبيرين عبدالله المسعودي رحمة الله عليه والشاعر صياف الحربي .......
اقيمت الملعبه في مكه المكرمه عام 1399 هجري
المسعودي
سلام الله عليكم يا عوارف والسلام يرد
..........اردالسلام وسر قلبي محّد يدرابه
وانا لي عميل كل ما أوحاله صفير يلد
.........سواة اللي يصفر في ظلام الليل لصحابه
صياف
هلا مرحبا ترحيب وافي عريب الجد
تراحيب الوفى والمعتدي وشلون مشعابه
باكسر بالنظر يم الرّجال مجودين السد
ولا أكسر بالنظر يم الغشيم مزعل اقرابه
المسعودي
تريح واستريح ولا تشب النار في عرق الند
ترى ريحة العود الاخضر ما تطلع من الغابة
ولا يا حرب يا حرب الاصايل بالنسب والعد
حربناكم نهار الشرع عنكم قافلاً بابه
صياف
ليا شّديت حبلي يالهذيلي شد حبلك شد
عشان افتكر وانشدك عن خاطرك و صابة
لا تظلم يا الهذيلي والظلميه بيتها ينهد
ترى من اخذ الفجان فاضي ما تقهوبه
المسعودي
جملكم من ورى ريع الرحاء معقول ومقيد
يسوقونه ثلاثه واربعه واثنين ركابه
تذكر يوم ليلك ابيض و النهار اسّود
اقولها عند وجهك ما اظلم الرجال في غيابه
صياف
اضن الكثر غلاب الشجاعه والصحيح يعد
قلابناكم في خامس يوم و الايام قلابه
تذكر يوم جينا وانت لاتاقف ولا تقعد
نهار انا هدمنا البيت وانت ماسك اطنابه
المسعودي
لاتحسبن الموت مثل الحوت ولا ريش طير اربد
نهار إنكم هبطت السوق ملىّ حثولكم جلابه