شامري الاصل شوق الشامريه . اهداء الى ابن خجمه وال شامر
هذه القصيده اهداء الى الرائد (مبارك بن محمد بن خجمه ال شامر)
والى ال شامر كلهم وهم يستاهلون المدح وشوي في حقهم
صلوا على محمد
ياعلي وصل لابن خجمه سلامي = وقله ابن جخير وصاني وصيه
ايت قدامه وانا اعرفك نظامي = في فنون المرجله والعسكريه
كيف لا ! وابيك حماي الجهامي = ومن رجال القبيله والعنصريه
افتخر ياخيك عرجاني ويامي = من قنيبر والخوال المرهميه
وقبل لاتبدا تفاصيل الكلامي = ارفع احجاجك ولاتنسى التحيه
وبلغه ازكى سلامي واحترامي = عد ماتكتب احروف الابجديه
وعد من هلل وكبر بالحرامي = وعد همال المزون العقربيه
وقله ان اسمه فرق بين الاسامي = وسيرته عدت حدود الجاذبيه
العريب ارفع رفيعين المقامي = كلمته تسمع وكفه حاتميه
الشجاع اللي يشد به الحزامي = لاتعزوا يطبخ راسه حميه
اشهد انه شوق زاهيت اللثامي = شامري الاصل شوق الشامريه
من رجالٍ فعلهم حامي بحامي = يعشقون الحرب واحياض المنيه
ال شامر ذكرهم شرقٍ وشامي =فالعصور الحاضره والاوليه
ياردون العد والعالم احيامي = هل جيوش وهل سيوف وحضرميه
ماعليهم لو يصير الدرب سامي = لاتعزوو صار وقت الجاهليه
يامبارك جاك علمي بالتمامي = لي طلب وانا ادري ان لك مقدريه
وانت ضابط صفك الصف الامامي = وتعرف اوضاع الكتيبه والسريه
طالبك قل تم يالحر القطامي = ومن نخى شرواك يبشر بالعطيه
جاك مرسولي معه زبدة كلامي = اسئله ويعلمك ويش القضيه
ومن مدح شرواك ماحوله ملامي = مدح راع المرجله فرضٍ عليه
![](alajmanws/toqe3/rigup.jpg) |
التوقيع |
![](alajmanws/toqe3/lftup.jpg) |
|
دام الشنب في ساحة العز مفتول= الروس تكرم والعلايق علايق
|
|
![](alajmanws/toqe3/rigdo.jpg) |
|
![](alajmanws/toqe3/lftdo.jpg) |
التعديل الأخير تم بواسطة : سالم بن جخير بتاريخ 25-05-2006 الساعة 03:06 PM.
|