ياللي تدق الباب من دقتك فزيت = من مقعدي من قوة الدق يَفلاني
مفتوح بابي مرحبا بك وصدر البيت = لك لنّي امربّى على سلم جداني
اقلط وقبل آشوفك ابريت ثمّ انجيت = برّك ذلولك .. أنت في بيت جمشاني
وش قومك امحكّم لثامك ورب البيت = اني عرفت اللي من اسنين خاواني
فكّه عرفت الصوت من يوم قلت : ابقيت = ياكيف مَعرف صوت من عذب اعياني
ياشيب عيني يالسهر ما بعَد ملّيت = مني وانا اللي في جفيّاك متفاني
قدلي ثمان اسنين واصبحت مثل امسيت = اسامرك وان مرّنا الضوح تجفاني
كم ليلةٍ بك يوم تسري علي هلّيت = وكم ليلةٍ اشتاك فالبير مسّاني
آصيح لك وآصيح لاكنّ ما دلّيت = حبل النجاة اللي بالانعاس منّاني
معا كل هذا بفتخر بك واقول : اقديت = في خوّتك وان عفتك الله ينعاني
يا ضيفنا مادام ذاك الزمن خاويت = ( ابنيّان ابن مهذل وخاويت راكاني )
يا مرحبا وارحب وكل مامريت = عليّ عشيتك جزيلات وسماني
حمرٍ مقاني شيبةٍ كل مابدّيت = سدّي لَهَا تسدّحَت تحْت رعياني
من حبّهَا عندي لمَا ذبّحَت صدّيت = والعين لا قلت امسكي الدمع تعصاني
واتشوفني آضحك ولاكني اهتزيت = وآقول ( عشو ضيفنا يا صبيّاني )
اتعيش ياراسٍ على المرجله شبّيت = يخسر ضعيف النفس ولاّ انت كسباني
واغنيت ياللي تشتغل في قفاي اغنيت = يكسب عزيز النفس ولاّ انت خسراني
وحيّيت ياللي تشفع ابجغمتِك حيّيت = يظمى قطير العدّ ولاّ انت روياني
فسري مساري النّود والبيت بعده بيت = وكل بيت امصدّق ابختْم شيطاني
واقري رساله قالها الجرح يوم اقفيت = من ديّرٍ جمره لهَد كبد قوماني
لاعشت في عرف المناعير راعي صيت = يحرم عليّ آلد في مَن تقفّاني
واكبر جبل بسْياسة ( الصبْر والتفتيت ) = يصبح رماد ايذر فعيون عدواني
وانا لي هدف قد مت في طردته واحييت = اذا ما آتغدابه لزوم ايتعشاني
اما انت ياللي كل مَشتقت لك جرّيت = صوتٍ تسمّع لهفته صمّ لآذاني
في ذمتي انْك الوحيد الذي بكّيت = عين البعير اللي هبَد كل ميداني
وانْك الغرام اللي لمَا همت به سجّيت = وانسيت جرح الوقت وانسيت الاحزاني
وانك العزيز اللي لمَا مرني شبيّت = ضو ايعوي من حرّهَا كل سرحاني
وانْك الجريح اللي لمَا جيت له لاقيت = جرحه مثل جرحي من ايامه ايعاني
وانْك الغرير اللي على راحته حطّيت = قلبٍ من اهموم الصواديف ملياني
وانْك البرَاد اللي لمَا هب لي شمّيت = فيه البداوه وانتعش وجه وجداني
ياوجد عيني يارفيقي لمَا ( ناديت = ني ) وانت من كثر الهواجيس طفشاني
ويابري حالي كلما يالغضي حسّيت = انّك معا شمع المحبّين سهراني
وياطرّ جيبي كلما ذبت أو جفّيت = تحْت العيون اللي لمَا ضقت تفداني
يا صاحبي خذ كلمةٍ لجلَهَا شنّيت = حربٍ تهل امزونها كل محياني
ان خانتك باكون قبل الخيانه ميْت = كاسر مرياة عيني وقاطع الـْـ ( ساني )
ويحرم عليها تستتر في حِمَى ( ياليت ) = ويحرم عليّ آعذب اللي تمنّاني
يآآآحبّ خلق الله مادامني هزيت = لك جذعي المبري وهزيت الاغصاني
فـَـلاَ خابت الهقوات وان عشت لك .. سرّيت = ذودك ورعيانه على عدّ شرياني
للاستماع
والله والله يَريَش العين ماحبيت = غيرك ولاقد همت في واحدٍ ثاني
يعني تأكد بنّي اللي اذا ذبيت = راس الجبل ذبيت والعالم الفاني :
بيفنى لجِل عينيك حتى ولوّ ( افنيت = عمري ) المهم انّك على الوعْد تلقاني
يعني أنا اللي لا وعدت الكرام اوفيت = وآنا الذي قبل الفجر يصهل