ارحب يالعقيد وطااااااروق مباشر

[بندر العجمي]

السلام عليكم ورحمة الله وبركاته


اررررحب ارررررحب


ارحب بالشاعر العقيد ويامرحباااا بك ياوجه محلف



واستلم طااااااااال عمرك :

مرحبا ياشاعر شبحه عينه للبعيد = مجلس العجمان ياربعنا هو مجلسه
عند بابي يوم صفوا طوابير الصعيد = كل عامل يحسبنه زعيم الهندسه

[(العقيد)]

تبقا ياطويل العمر والمجالس مجالسي وخلوها :

البقا وانته كما ضلع يدعس فوق حيد =امسك دروبك وخل الدرووب المفلسه
عند بابك يوم شفنا سواعي للبريد = وشفت كل(ن) ماسك بندقه فوق فرسه

[بندر العجمي]

الله الله


واستلم يالقررررم

:

عشت في الدنيا وحيدٍ وبروح وحيد = والبضايع كثروها وجات مكدسه
اتشبح في حمد واتشبح في حميد = شلة ماتعشق الا علـوم الدنفسه

[(العقيد)]

الله الله
طيب طيب يابندر

[(العقيد)]

استلم ولاتهون..
.
.
.

طالب الفصل الدراسي ترى دايم بليد= عمته لاطرف الليل جات ادرسه
اتركوا عبدالصمد وااتركوا عبدالمجيد=ومن يعرف البن لابد يعرف يحمسه

[بندر العجمي]

.يااااااااااااااااسلام

اااستلم يالعقيد

عمته ماتصرف الا مصاريف الزهيد = والولد شيب وقال العجوز مقدسه
حالف لاتوبه وانت شاهد يالعقيد = يلبس ثياب النشاما ولاهي ملبسه

[بندر العجمي]

العقيد


الله لايشينك وصح الله لسانك واالليل روح والختم عندك يالقرررم ولنااا لقاء قررريبا باذن الله

[(العقيد)]

البيوت العامره ماخدمها الا العبيد =بس قامت ترخي لحيها متغطرسه
اترك ثياب المشاكل واخذ ثوب جديد= لين يرجع طالب المدرسه للمدرسه

[(العقيد)]

لاهنت الله يطول عمرك وصح ابدانك
قمه في الابداع لاعدمناك
انتواجه قريبا ياشاعرنا المبدع
ودمتم سالمين..

[ابو سراب]

بندر صح لسانك ابدع في اخفاء المعني

العقيد صح لسانك اسم على مسمى