جاك اللغز يا بو عبدالرحمن ؟؟ و للجميع (( تم حل اللغز بواسطة بو عبدالرحمن))

[خالد بن رمثان]

السلام عليكم ورحمة الله وبركاته


هذي أول مشاركه لي فالألغاز و أتمنى إن اللغز ما يكون معقد ..

( جدا سهل )

أنشدك عن شي ٍ يجي فالسنه يوم=ويغيب كل شهورها والليالي
وإن بدل الله عامنا عاد ملزوم=وأحيان ياتي مر و أحيان حالي

وفإنتظار الحل ..

[فلاح بن ملبز]

حجز

[وافي بن وافي]

هلا بك ياخوي خالد
انا لولا سالفه المر والحالي
قلت لك يوم ( عرفه )

[هادي بن فهاد]

السلام عليكم ورحمة الله وبركاته
:
مرحبابك ياخالد بن رمثان ولاهنت على اللغز
عند رمعه ..( نجم سهيل )

[ابوعبدالرحمـن]

لاهنت اخي / خالد بن رمثان على اللغز

وإستلم طال عمرك

يا مرحبا وعداد ما فالسما نجوم = وعداد ما وبلٍ رزف ثم سالي
يا مرحبا بك يا ولد صفوة القوم = يا نسل ربعٍ يعشقون المعالي
اظن قصدك يا بن عمي بذاليوم = (عيد الميلاد) وما يبيله جدالي

العذر والسموحه على تواضع الأبيات حيثها جات إرتجاليه علشان محد يحل اللغز قبلي

[خالد بن رمثان]

أرحبوووووووو جميع


والله لا يهينكم


ورمعاتكم للأسف خاطئه إلا الحل الأخير كا الأقرب للصح


و صح لسانك يا( شيخ الألغاز ) يابو عبدالرحمن


والحل بالضبط هو ( اليوم ) و أنت بعتبر حلك صح مقدر أقولك شي

[ابوعبدالرحمـن]

لاهنت طال عمرك على اللغز وفي إنتظار جديدك

[هادي بن فهاد]

السلام عليكم ورحمة الله وبركاته
مرحبا بالجميع
من اليوم ورايح معادني مشارك في حل اي لغز
والسبب ابوعبدالرحمن مايعطيني مجال ا فكر هههههه

[ابوعبدالرحمـن]

ارحب يا هادي بن فهاد وأنت الخير والبركه

ولايهونون باقي الإخوان ولاهنت على الدفعه المعنويه

وكل الشكر مره اخرى للأخ / خالد بن رمثان اللي تبارك علينا