قصيده صالح بن عبدالله المنقوش فى الشيخ على بن جابر ابوساق

[راكان اليامي]

هذه القصيدة مهداه الى معالي الشيخ/علي بن جابر ابوساق ..شيخ شمل قبائل ال فاطمة يام على مواقفه الطيبة العظيمة ...والرجال مواقف

بسم الذي في يده تصريف الايامي = رب العباد الكريم الخالق الوالي
اللي رزقنا حكم خدام الاسلامي = تحكم بشرعه وترفع رايته عالي
ال السعود بحكمهم حظنا قامي = هم محزم المملكه لي ثور اقتالي
أسألك ياواحد ما عينه تنامي =تحفظ وطنا من الحاسد وجهالي
من بعدها هاتوا الصفحه والاقلامي = نثني على موقف يحسب لرجالي
جوه القبايل وقالوا دربنا عامي= افزع لنا يالشلي شيبان وعيالي
البيض تبنى لشيخ ساق الاقدامي = واتعب مطاياه في حل وترحالي
فعله يداوي المريض ويروي الضامي = حسب الامل في عريب الجد والخالي
الشيخ ابوساق يابوزيد الى قامي = ياعاسف المعظله للصعب حلالي
الشيخ علي بن جابر عوق الاخصامي =حليتها ياولد من يمنع التالي
ادركت جمع الشتات او وصل الارحامي = طبع الحرار ايتعلى فوق ماطالي
اصلح وصالح وقدم عذر من يامي = لاميرنا مشعل اللي عندنا غالي
ذراعنا وان بلينا درع وحزامي = والحر ماياكل ذراعه ولي عالي
الايام ياتيك فيها نور وعتمامي = دايم تقلب ولاتبقى على حالي
وانت الحصيف الذي من نسل حكامي = تاطا المشاكل ولو هي كبر الاجبالي
تصغر بعين العظيم ولو هي عظامي =ولايهز الجبل ريح وزلزالي
ليثورت فتنة وقتال وزحامي = رجم يذري وسيف الهند قتالي
لاميرنا رفرفي يابض الاعلامي= في خمست اعوام بانت طيب الافعالي
نجران ناهض بها منهاض حوامي =حر الى هد ياتي صيده جزالي

للشاعر/ صالح بن عبد الله المنقوش ال دغيش ال حمد بن فاضل

[مسفر مبارك]

صح لسان إبن دغيش ....!
:
ويستاهل علي بن جابر كل خير وراعي واجب لا عدمناه ...!
:
ولا هنت يبو سالم ......!
:

[مانع الوعيلي]

لاهنت ياراكان اليامي وصح الله لسان الشاعر ولسانك ويعطيك العافيه

[عاشق العليا]

صح اللسان الشاعر صالح بن عبدالله المنقوش

والشيخ على بن جابر أبوساق شيخ شمل قبائل آل فاطمة يام وماقيل قليل في حقه والله يطول عمر أبوجابر أناأشهد إنه راعي وقفات وفزعات لربعه وبني عمه هو إخوانه وأبيه من قبله وعيالهم فيهم بركة وعلى دربهم في العلوم الغانمه .

[سعود الخويطري]

صح لسان شاعرها ولسانك وسلمت يمناك ويستاهل المدح الشيخ/علي بن جابر ابوساق



وتقبل سلامي واشواقي

[مسعطر]

فعله يداوي المريض ويروي الضامي = حسب الامل في عريب الجد والخالي
الشيخ ابوساق يابوزيد الى قامي = ياعاسف المعظله للصعب حلالي
الشيخ علي بن جابر عوق الاخصامي =حليتها ياولد من يمنع التالي
ادركت جمع الشتات او وصل الارحامي = طبع الحرار ايتعلى فوق ماطالي

الله الله ,,

يستااااهل الشيخ علي ابن جابر ابو ساق المدح و قليل في حقه ,,


و صح لسااان الشاعر صالح المنقوش ال دغيش ال حمد بن فاضل



و لاهنت يا راكااان ,, على القصيدة ,, و ما تجيب الا الزين


تقبل مروري ,,
أستودعك الله ,,

[عنـَـاد]

ونعـم يآخوالي
صح لسان الدغيشي
ولاهنت ياراكان على النقل
بيض الله وجهك

[سارونه الـ ع ـجـ م ـي]

صح لسان قايلها وكاتبها جعل تسلم يمينه كل لشكر لك اخوي راكان اليامي على هذه القصيده

تقبل مروري
سارونه الـ ع ـجـ م ـي

[محمدالعتيبي]

صح لسانه ويستاهل الشيخ ابو ساق

[بندر العجمي]

لاهنت ياراكان على النقل ويستاهل ابوساق و الله يعطيك العافيه

لك مني أجمل تحيه