محاوره نبطيه ,بوش & شارون !!!

[فزاع]

بوش :

شارون وش بك عابس الوجه تعبان=قول لي تكلم وش جرى وش حصل لك

شارون :

يا بوش طول الليل مانمت سهران=خايف من التفجير يا بوش مثلك

بوش :

تخاف وانته اتخوف اليوم قطعان=من هو يجي لك يا صديقي ويذلك

شارون :

المنتحر يا بوش ماهو بجبان=يتسلل بليل الظلام ويفلًك

بوش :

خوفتني يا صاحبي والجبن بان=مني واخاف اليوم من زول ظللك

شارون :

يا صاحبي المسلم يريد الجنان=مدري علامه يبغى اليوم يهلًك

بوش :

شارون خذ مني نصيحه وتبيان=أحكم زمام الامر قبل التملك
واحنا نمدك بالمعدات و أطنان=من الذخيره لين خصمك يملك
حنا صداقه ولازم نكون أخوان=وفي ساعة العسره ترانا نشلك
وخل العرب في غفلة الملك دلهان=ماحد يريد الحرب شارون مثلك
العب على كيفك ولا تقول خسران=حنا معاك وديرتي هي محلك
واللي يعادينا تعاديه نيران=من البحر والجو كلها بتهلك

شارون :

طمنتني يا بوش يا ولد ريجان=ابوك ذا خالي وعرقي وصل لك
عقب الكلام الطيب اليوم كدحان=اني ابيد بيوت واقتل واسفك
ارتاح يوم اشوف نار ودخان=مكتوب يا مسلم في وقتي أذلك
مادام عن دينك بعيدٍ فخسران=لا ترتجي نصرٍ بعيد ياصل لك
ما خفت انا اليوم من انسان جبان=الخوف ما يلفي ضميري ويسلك
خوفي الوحيد وحاسب له بحسبان=هو المسلم اذا قام يهلك

الاديب خماس ابو تيله

[محمد الشامري]

الله عليك يا فزاااااااااع

بس القصيده والله تبكي

اللي في زمن اليهووودي قااام يذل المسلم

لاهنت يافزااااع والله يعطيك العافيه

[فزاع]

الله يعافيك من كل شر ويبقيك اخوي محمد ما نقول الا حسبنا الله ونعم الوكيل

أسعدني مرورك واطراءك اخوي محمد ودمت بخير.

[ابومحمد الشامري]

لا هنت يا فزاع محاورة تحكي الواقع المرير والله مستعان بيض الله وجهك يا السنافي

[فزاع]

ولا انت يا أبيض الوجه وحظورك الكريم أسعدني يا بو حمد تحياتي لك.