ابن قضعان ((لابةٍ من جن))

[حبيب]

السلام عليكم هذه احدى روائع الشاعر ضيدان بن قضعان

عسى ان تنال اعجابكم

راكب الي ماتجيبه وكالة بالبيد=ولايجيبه بهبهاني ولا وضيحي قطر
ادهم وسم الجميح على جنبه جديد=مهبل الي يوم عرض يحسبنه شفر
جمس شكمانين وملقبينه با الوليد=من سرابه ما يغبط القصيبي والجبر
كاتبين في ضمانه حديده ما يبيد=تمرةٍ قاري عليها حفيد ابوبكر
كن وجهه لانطحته تشعشع يوم عيد=وانقفيته كنه السيل لاسال وحدر
وان عرض لك في مزاياه من عنق الفريد=وان ركبته تحسب انك على سطح القمر
دقته نغمة عبادي على سلم فريد=لا عزف الاول وجاوب عاشر وتر
لاشتغل قالت شكامينه اركد يا حديد= والقزوز تقول للقاع روح يا فقر
كن في الشكمان الايمن صدا عبد المجيد=وكن في الشكمان الايسر صدا نايف صقر
والبلوف تقول للكهربه هل من مزيد=والسيور تقول للمروحه اين المفر
كل اغانيهم علىدرب واصل يا عنيد=لين تلفي قصر شيخ على العليا شهر
سايقه من صلب ربعي وله باس شديد=ما يخاف البعد والليل والموت الحمر
من صناديد ال عرجا هل العلم الوكيد=لابة من جن تمشي على هيئة بشر

[عبدالله الوعيلي]

من صناديد ال عرجا هل العلـم الوكيـد
لابة من جن تمشـي علـى هيئـة بشـر



ونعم ونعم بربعنااااا

وصح الله لسانك يا حبيب
ولساان الغالي ضيدان ابن منصوور



تحياااتي

[حبيب]

ماعليك زوود ياعبد الله

وصح ابدنك ولاهنت على المرووور


تحياتي

[فهد بن محسن]

حبيب


تسلم على نقل هذه القصيده الرائعه للمبدع ابو تركي


تحياتي لك

[زبون الجاذيه]

الوعيلي فرخ جني الله الله صح لسانك يا حبيّب ولسّان ابن قضعان والله لا يهينك على نقل هالقصيده الطيبه ,,
تحياتي

[أبو ناصر]

صح السان المبدع ابن قضعان

ولاهنت ياحبيب على الاختيار الرائع

[حبيب]

فهد صح ابدنك ولاهنت على المرور

تحياتي

[جزيل العطا]

صح السان المبدع ضيدان

ولا هنت يا حبيب على النقل

[محمد الشامري]

صح الله لسانك ياحبيب

ولسان ابن قضعان ونعم بآل عرجا

[العنيد]

ونعم وسبعت انعام بال عرجا !!!!

وصح الله لسانك ولسان ابو منصور على ذا القصيده الزينه يا حبيب !!!

ولا هنت ولا خلا ولا عدم ان شاء الله يالسنافي << صدام الشجر!!!