احسب ان الحب حده براس أمـي وابـي=جاهلً واثـر الغلـى لـه حـدودً واجـده
واسمع بضيدان يشكي الهـوى والأكلبـي=قبل اعرف الحب والعين تمسـي راقـده
يوم انا .. لي قالوا .. الناس خبر ياصبي!=قلـت زينـه كلهـا ساهـدات واهــده
وبعد عرفه تثقل اخطاي والممشـى حبـي=ولا قدرت أقول هـاذي العلـوم الواكـده
اشهد اني صابـرً ليـن زاد بـي اتعبـي=كم تجرعت الصبر ماحصل لـي فايـده!
واشهد أن الياس من فوق عاتـق منكبـي=بانـيً مبنـاه والحـظ لقشـر عـاقـده
لين صار الحنظل المر عنـدي أعنبـي!=والامان..يصيـر فينـي حـروبً بايـده
وكـل صـوتً لوتأكـدت طفـلً يلعبـي=أحسب انه صوتهـا كثـر مانـي فاقـده
وكل ماشرب ماتهنيـت حالـي مشربـي=فاقـدً لـي مشـربً قبـل عــامً وارده
صرت وياها مثل طـارشً ماينتبـي!!!=سالفه تضرب على أهل الخطى المتباعـده
أغرقي ياعين واسقي من الدمـع اهدبـي=واغسلـي خـدً شقـاه الزمـان وعانـده
واسبحي ياموجة الفكـر هـذا مركبـي!=مركبً يرسـي بوسـط الهمـوم الكايـده
لا صديق.. ولا رفيق.. ينادي وش تبي؟=فزعة المظيـوم ماضـن كنهـا سايـده
ساجعات الـوّرق تكفيـن لا لا تطربـي!=تحسبيـن أن المشاعـر بقلبـي بــارده
ولا تثيريـن المشقـوى تحسبينـه غبـي=صوتك الشاجي يظيم الجـروح الزايـده
ويانسانيس العصر يـوم هبـت مرقبـي=بلغي أزكـى سلامـي لذيـك المـارده!
واخبريها أني مع الليـل شبيـت احطبـي= واشرب دلال الهوى يوم صارت خامـده
بعد ماضاع الحبر والورق مـن مكتبـي= وقفـت كـل الامانـي بجثـه هـامـده
أنهزمت وشامت الحـال يخسـى ويهبـي=ماعلـي الحـب هـاذي نهايـة قـايـده
المهـم أن غايتـي بالحـلاوه مغـربـي=أو مثل بنت النّـور فـي البـلاد النايـده
والله انها شيخة الزين فـي لبـس العبـي=تستحـي منهـا نـوال وحنـان وعايـده
الزهر يخجل لمـا شافهـا مثـل الظبـي= والبحر يرقص ولو موجة المـاء راكـده
إن قريتي في قصيدي هلا بـك وارحبـي= وإن رحلتي فانتي اسباب قـافً قاصـده
28-10-2005, 01:50 AM
العرض العادي
المواضيع المتشابهه
