قصيدة نادرة في المدح

[مسير]

هذة القصيدة قيلت في الامير سلطان بن عبدالعزيز ولي العهد حفظة اللة

واليكم القصيدة : بقلم الشاعر " بندر البدر "

ابـكســـر الطـــاروق ، وا صـــب فـنجـــال
واســـوق فنجـــال الغـــلا .. مع بخــــوره
اســــــوقه إلرجــــــال.. قبـل أي رجـــــال
آْمـــــده لشـــــــيخٍ تطـــــــارخ بحـــــــوره
رجـال يـســــوى له ملا يـــــين الا جــيـال
ورجال .. مايســــوى عشـــاه وفـطــــوره
ســـلام ياجــــم الروا ... عـــالي الجــــال
ســـلطان بن عبد العزيـــــز .. أخـوْ نوره

اللي حجاجـــــه .. دايـــــمٍ يشـــــرح البال
وإليا ضـــرب له درب .. فاحـت زهـــوره
فرز الوغأ اللي .. كل ما ثقلت اشـــــــتال
مشـــــتال عـنــا .. كل هـــــم وخطـــــوره
ســـــلامةٍ للجــــود .. يالبحـــــر .. الانفال
ماجـــور .. من غـــدر الزمــــان وعثوره

متســـــربلٍ بالعـــــزم .. شـــيال الأثــقــال
اللـــــه يعجــل في شـــــفاه وطهــــــــوره
له .. عـــن جميـــع الناس بالقلب منـزال
وله في جمـيع قلــوب ها الشعب صـوره
أبو الســـعه لامنًــــهـا ضــاقت الحـــــال
وأبو هـلا .. وإلا الليــــــــــا لي عقــوره
وابوْ اليت .. واليتــــاما .. والأبطـــــــال
وابو الضـــعيف اللي توالت دهـــــــوره
جـــاله يشــــــيل مع الليــــالي الاهـوال
واشــــتال حـمله عـنه واشـــتال جــوره
هو .. فزعة المحتــاج هو مــزبن الذال
يوم العــــــــدو .. إزداد ظلمه .. وجـوره
حطيت بعـــيون العــدو ملـــح .. وخــلال
خـليت ذي عميــــاء وهذيـك عـــــــــوره

وكـفــخ بجنحـان السعــد طيب الخــــــال
أدْلا .. عليــه إشــــوي مســــّـكه بزوره
خلاّه يقذف ما خـــــذا.. قبل يخــــــتال ؟!
وكســـر يــدين الثور ..؟ بقـرون ثـــوره
المملكـــــة محســـــــــــودةٍ بين الأجيال
رغـــــد وأمــان وحــكم الإســلام شوره
حكامـــها اصـــحاب أبوبكــــر وبـــــلال
إعـمــــامته الدين الحـــنيفـــي ونــــوره
بيبانـهم مفتـــــوحةٍ لأي مـــرســــــــــال
ويدينـــهم كل الـنــــداء .. في ظهــــوره
ندعيلهـم في الـغـيب في كل الاحـــــوال
اللي بنو .. لإســم الســـعودي حضوره
اللي بطول آيمـــانهم .. كلن اطــــــوال
بحبـــــهم كل القلـــــوب معـمـــــــــوره
آمـــــــــــين ما نعتاض عنــهم با لابدال
ويســلم أســـدّنا اللي طوالٍ شــــــــبوره
أنتـمْ حمــــاة الديـــــــن عن كل دجــــال
يوم ٍ بعض النــــاس ضاعت شـــــعوره
ناسٍ تشـيل من الجهل .. دقْ .. وجـلا ل
يقرون ســوره..؟ بس ينســون ســـوره
تشــــهد مســاجدنا على كل الأحـــــوال
إنّا عمــار الدين .. صــــــدره .. وزوره
وإن الجهل .. ماله بنا الـيوم مدخـــــال
والظــلم .. والبهتــان هــذي قبـــــــوره
وحنّا قـرانيـــسٍ على رووس الأقــــذال
صقـارنا ســـــلطان .. وحــنـّا صــقـوره
يـهدنا على العـــــــــــــــدوْ ..كل ما مال
ويشـــوف فعـــــلٍ يـعجبه من طــيـــوره
حـــنّا فــــدأ تاج الســـلاطين همــــــــال
هـــداج تيـــماء والـعـــــدود مـخــــبوره
نغليــه مــــن قبل القـصــائد والآمـــــال
نـغـليهـه من فعــله وطيـبــــه .. ودوره
والطيب مــاله عند ســـلطان .. مكيــال
وأفعــال أبو خـــالد مهيب محصـــــوره
ســـلطان فعـــله ناصــبٍ كل الأفعــــال
ومجـــزومةٍ .. كل الـفعول بـحـضــوره
فضـــله .. تغـنّـا فيـــه راحــل .. ونزال
وجمايــــــله بالـعـالمـــين مخـــــــبوره
لـــه في ســـنام الدين والجـــود منزال
متعليٍ بالمجــــد .. رأســـه وكــــــوره
وله بشـــــةٍ .. يــاما تحـقق بها آمـــال
وله لفــتـــةٍ مــنهـــا تخا ضـــع نمــوره
هـــو البحـــر وإ لا البحــر مـاله ظلا ل
وســـلطان تـطــرخ في وروده صــدوره
شــمـس المعــالي مـشـرقـه فيه بلحال
تـدور فــي مـجــده عـلـــيــه مــحــكوره
يسـري به المنجــوم .. يـمرح به الذال
يـرقــــد بــظـــله.. ويـتـلحـــف بســوره
الله يــبــارك باللــــيـــالـــي والاعـمـال
ويـطــول بـعـمــر الأ مـيـر وحــضـوره
إقــبل كــلام مــولـــعٍ فــيك لــــوْ قــال
مـــا قــــال إلا قــطــــرةٍ مــن شعـوره
شاعر… ومتهـيضْ من فعول وأفعال
وده يـغنـي مــــن غــــلاه وســــــروره
ودّه يـشــيل مـــن الغـــلا فيـــك مـوال
وإلا أنت فيك الشــعر ضاقت بحـــوره
ياســـيــدي والـشـعـر فـيك أنـت يختال
والقافــيه .. والـوزن .. فيـك مـعـذوره
أجـيلــهــا مشـتاق.. ويــصيبهـا جـــفال
تــخـاف مــــــا تـوفيــه .. حقــه ودوره
وأنا.. لو أســـبــح بالقــصائد وألامثال
لا جــــيت قـدمك كــن هالشــعر عوره
لـــوْ كـلْ بـــيـتٍ بــكـتـبـه صــار رجـال
عـــنــــدك إلى مـن جيـت راحـو بزوره
جـيـت أتشــرف فـي مقابـــلك يا لــعــال
وجــــيت آتــعــذر…بالقصيأد وقصوره
قربـــك نطــاول بــه .. على كل ماطال
وغــلاك .. واللـه بالصـدور وتــفــوره
همومنا.. بصدورنا .. ليلـهــا طــــــال
وأنت الـنـــهـار اللى إنتحــراء فجوره

وأبـي أقــول الــحـق والــحــق يـنـقـــال
بـيـضٍ مـشاويــــره .. وخــضرٍ دهــوره
الله يـخــلي لــلوطــــن ســـمــح الاقــبال
زيــزومــها .. وحـــزامهـــا با لـضروره
اللي إلى ضــــــاعٍ الأريــاء .. بـالازوال
تـوالفت عصـمـان ألأ ريـــاء .. بـشـوره
ســلا م يا جــم الــرواء عالــي الــجـــال
ســـــــــلطان بن عـبـدالعزيـز أخو نــوره

بندر البدر

[ابن بحيح]

صح لسانك يالشاعر