روعة من جد روعة قصيدة جميلة احببت ان اشاركم بها
شعرها هو ناصر الاحمرى
الله الله يانظـمـي وتلحـيـنـي
والله الله يالفـكـر وخـيـالاتـه
استوت طرقتي والناس ممسينـي
بين روحات هاجوسـي وجيّاتـه
يالهواجيـس ودينـي وجيبيـنـي
ذاك عدل الطريق وذيـك ميلاتـه
كل درب علـى العليـا يودّينـي
عنه ماحيد لـو طالـت مسافاتـه
عن بلوغ الهدف ماشـي يثنينـي
ماحسبت الزمان وكثـر صكّاتـه
والله اللي يشـا وان راد يعطينـي
وان يشا ماعطا المخلـوق غاياتـه
المقـدّر مـن الله لازم يجيـنـي
بحْسنات القـدر مومـن وسيّاتـه
رزق غيـري نصيبـه مابيعنينـي
ماتنشّـدت ليـه الطيّبـه جـاتـه
الحسـد باعـد الله بينـه وبينـي
خيّب الله من هو ضمـن عاداتـه
لو يكون الحطب في النار طنيّنـي
تاكل النـار سهلاتـه وعسراتـه
والحسد ياكل اعمـال المصلّينـي
ضاع راعي الحسد وتضيع حسْناته
ماجمع في الاحد بيضيع الاثنينـي
يالله اهده وعوّض لـه خساراتـه
خوي في الدين مايرضيه يرضيني
سدد الله بـدرب الحـق خطواتـه
كلبونا سوى في العسـر واللينـي
والتميـز بتقـوى الله وطاعـاتـه
للفنـا كلنـا قاصيـن وادنيـنـي
قول ربي نزل في محكـم اياتـه
قدّر الموت في ساعه وفي حينـي
يالله انـك تهـوّن كـل سكراتـه
ضيّع الموت هيبـات السلاطينـي
وهيبـة القايـد وجيشـه وقوّاتـه
وابو الفقر مثـل ابـو الملايينـي
كل واحـد يجـي موتـه بميقاتـه
لكن الناس فـي اللـذات لاهينـي
في الميه واحـدٍ يعصـى ملذاتـه
والبقيّـه لجمـع المـال عجلينـي
كل تاجـر يبـي يدعـم حساباتـه
ما اتقى الله بتطفيـف الموازينـي
ماتذكّر وهـي تطـوى سجلاتـه
وكم وكم من عميـلٍ للشياطينـي
ماتندّم علـى فـرضٍ ليـا فاتـه
يكـره الذكـر ويحـب المغنّينـي
يحتمي في الطرب رقصه ودبكاته
الكبايـر لهـا عملـه بوجهينـي
قابل ابليس وانجـز لـه مهماتـه
غير من حط له في الوقت روتيني
في المحرّم ركز شوفه ونظراتـه
عدّ واغلط لو احسب مـا يكفّينـي
اكبر كتاب لـو دبّلـت صفحاتـه
مقصدي والهدف يامـن بتوحينـي
ودّي اصحّي النايـم مـن سباتـه
شفت منكر وصعب تزيله ايدينـي
وخفت لايوثم الساكت على سكاته
خاطـري ضيقتـه دايـم تعنّينـي
وكل خاطـر بضيقاتـه ووقفاتـه
امّا انا يوم اشاهد ضيعـة الدينـي
هي سبب ضيقة الخاطر وقفلاتـه
ضيّعو الدين بين يسـار ويمينـي
اسـم مسلـم بفتحاتـه وكسراتـه
دبلجو الشرع مع وضع القوانينـي
وزوّدو ضيقة الخاطر وحسراتـه
التـوي بالجبـل والهـم يلوينـي
وعبرتي تنسكب والنـاس شمّاتـه
واتكلّـم وتقصـيـري يغطّيـنـي
والقـدم ماقـدرت اعـدّ عثراتـه
كم ذنوبٍ تسجّـل فـي دواوينـي
واللسان ان نطـق ياكثـر زلاتـه
يالله ياخالـقٍ ادم مـن الطيـنـي
ادعي الله بكـل اسمـاه وصفاتـه
مال غيرك ياربّي دمّعـت عينـي
كل ركعات عبدك لـك وسجداتـه
وعْدك لمن دعاك اليـوم يغرينـي
يوم تضمن لمن يدعيـك دعواتـه
انصر الدين واللي لـه موالينـي
دينك الحق عـزّه واعـل راياتـه
وادمر اللـي لديـن الله معادينـي
وطيّح اللي رضا للديـن طيحاتـه
وقلقلـه بالـزلازل والبراكيـنـي
وادمـره مـن تدابيـره وحبكاتـه
وبـاعملي يالله انّـك لا تجازينـي
غايتي رحمة الخالـق ومرضاتـه
كل الاعمال ماهي تقضي الدينـي
فاغفر لعبـدك ذنوبـه وهفواتـه
في نهارٍ يكـون النـاس قسمينـي
والله اللـي قسـم نـاره وجنّاتـه
اذكرو الموت يامن عنـه ناسينـي
واذكرو القبر وحشاتـه وضدّاتـه
رابـط الديـن للذكـرى يقدّينـي
شاعرٍ ماحسب كم وصلت ابياتـه!
19-09-2005, 11:31 AM
العرض العادي
المواضيع المتشابهه
