عافت الشمس المدينة وأعلنت وقـت الـزوال
رغبـةٍ للنـوم منهـا مـع عيـون الناعسيـن
أبعدت من يوم شافت بالسمـا ضـيّ الهـلال
كنّهـا كانـت تهـزّا بالـهـلال وتستهـيـن
كفكفت صبح التلاقي مـن ورا روس الجبـال
واستخارتني وراحت وابعدت عن كـل عيـن
وانتي أخطيتي خطاهـا وانعزلتـي بالوصـال
ولا رحلتي من سكـات ولا وعدتينـي تجيـن
عشت عمري بالمحبة فـي سبيـل الاحتمـال
وانتي تعيشين عمرك ( تفرحين وتجرحيـن )
من غرورك في جمالك ما عطيتينـي مجـال
وأدري إنـك تفهمينـي لـو بغيتـي تفهميـن
كيف أشوف الشمس تشرق بالسما وانت ظلال
ومن يعيش بوسط غـارٍ للذيـاب الجايعيـن ؟
كنت أحسب الكره زايل والجفا لو ( طال زال )
ولا بديتـي بالغـرام ولا بقـى فينـي حنيـن
أشهد إني مـا خطيـت ولا نويـت الانعـزال
وما خدعتك في غرامي لين شفتـك تخدعيـن
اصدقي بالوعد مرة لـي ولـو فيهـا سـؤال
من عرفتك ما أذكر إنك توعديـن وتصدقيـن
كنت أشوفك من عيونك تأمرين أقوى الرجـال
والله إني قبل أعرفك مـا هقيتـك تخضعيـن
كنت أشوفك تبعدين وقلت مـن بـاب الـدلال
وإن بعدتي عن عيوني قلـت باكـر ترجعيـن
كنتي أكثر في عيوني من عدد وبـل الخيـال
وين أنا ما الد وجهي كنت أشوفـك تضحكيـن
وإن بغيت أصد عنك من ( يمين ومن شمال )
ما قوت عيني تلفّت ( لا شمـال ولا يميـن )
عاشقٍ والعشق بلوى وأشهد إن الحـال حـال
ولا تركتي رحمـة الله ولا عرفتـي ترحميـن
وأدري إنك في غرامي للأسـف نلتـي منـال
افترقنـا فـي دقايـق والسبـب لعنـة لعيـن
حبك أشبه في غرامي ( بالوصال الانفصـال )
ويلعـب الخفـاق لعبـة كبريـاء الخاضعيـن
بالهوى ماهي غريبـة نكبـة عيـال الحـلال
ولاني أول من يصون ولا انتي آخر من يهيـن
الصداقة فـي عيـون النـاس منفـى للعـدال
وكـان ردّت للصراحـة كلبـونـا مذنبـيـن
المحبـة شبـه زالـت والصداقـة لاتــزال
بس أببقى في عيونك ( حامد ) اللـي تعرفيـن
علّميها يـا قصيـدة واضربـي فينـي مثـال
عرفيهـا بالبـداوة فـي طـبـاع الأولـيـن
علّميهـا كيـف نصنـع صبرنـا والاحتمـال
علّميها كيف نفلـح بالعمـل ( دنيـا وديـن )
علّميهـا فـي سوالـف حلّنـا والارتـحـال
علّميهـا كيـف نظهـر جورنـا للجايـريـن
علّميهـا يـا دقايـق ، علّميهـا يـا لـيـال
علّميهـا يـا عصـور وعلّميهـا يـا سنيـن
إن عشقنا مـا بغينـا غيـر عشـقٍ بالحـلال
وإن نوينـا مـا لفينـا كـود نـاس طيبـيـن
كامليـنٍ فـي عطـانـا بــس لله الكـمـال
والرجل فينـا غرامـه لـو يعيـن ويستعيـن
ابـدويٍ مـا يقـوده للـردّى شـد الحـبـال
يعسف اليـدّ الشحيحـة للعطـا حتـى تليـن
همنا فعـل الرجولـة رمزنـا لبـس العقـال
وانتي المكياج كله صار فـي وجهـك سجيـن
عندك المكياج موضـة تحسبيـن إنـه جمـال
صار همك فـي حياتـك تكشخيـن وتطلعيـن
والا أنا قلبي بقـى لـي بالمحبـة راس مـال
والله اللـي مبتلينـي بالـهـوى والله يعـيـن
إن بغيت أعشق أبالقى كثـر حبّـات الرمـال
لكن انتي لو بغيتـي صعـب مثلـي تعشقيـن
قلت لك كل الصراحة وأختم أطـراف الجـدال
وإن زعلتي من كلامي ( تزعليـن وتقعديـن )
09-09-2005, 11:27 PM
تــزعلــيـــن .. وتــقــعــديــن
العرض العادي
