((كرهت الحب با ااسبابك ))

[مليحة العجمان]

((كرهت الحب بااسبابك))




ابرحل عنك صدقني كرهت الحب باسبابك
ابرحل ما حنيت الراس لك يا خاين العشره



ابرحل واهجر ديارك وخلك في هوى احبابك
ابرحل والغلا بيني وبينك منتهي عصره



ابرحل واترك الماضي وبمسح صفحة كتابك
ابرحل عنك واسمعها أنا طلّقتك بعشره



تعبت اكذب الواقع واصدّق كذبة اعجابك
لأني عاشق مخلص ملكني حبّك بسحره



تعبت اراعي شعورك واغظ الطرف بغيابك
غشيم واحسبك وافي خدعت القلب بالنبره



رخصت الكل من شانك .. رضيت اتحمل عتابك
ولكن للأسف حبّي من افعالك ذبل زهره



تحملتك على ظلمك وقلت الوقت يصفى بك
واشوفك تلعب بذيلك وغدرك آه وش كبره



و فوق الغدر تتمسكن وتخفي سّم بانيابك
وتظهر دمعتك تبغي تغش اللي رخص عمره



ولكن وفّر دموعك تراني خابر العابك
انا ماني مثل غيري ضعيف النفس والقدره



محيت اسمك وشقّقت الرسايل وانقفل بابك
ولا عاد المشاعر يتحرك من شوقها شعره



كرهت اسلوبك الماكر كرهت اناظر اهدابك
وعفتك عقب ما بانت حقيقة قلبك وغدره



مصير الوقت يثبتلك وفاي ويحرق اعصابك
وتتحسف على مافات منك وتمتلي حسره


اقول ارحل فمان الله ولاني بحسب حسابك
مدام الغدر في دمك توكل لا تجي بكره



توكل لملم شتاتك معاد الوقت يحلى بك
توكل لا تحسب أني بهل بغيبتك عبره



ابي تنسى حروف صغتها لك يوم تزهى بك
وابي تنسى حبيب سال حبره دم في شعره



بعلّمك الوفا واشلون لين الغمّ ينتابك
واجرعك العذاب اشكال دامك تبريت بالعشره

[مانع الوعيلي]

لاهنتي اختي مليحة العجمان على الابيات الررروعه ويعطيك الف عاااااافيه

[مليحة العجمان]

مشكور

[ِِِAL 3ajmiah]

مليحة العجمان


تسلم يمينك ع النقل الرآئع ..

صح لساان قايلها ولساانك لاهنتي ~

[ناثرة الورد]

.. السلام عليكم ورحمة الله وبركاته ..


{ شُـكـرتي لـروعـهـ الـطـرح
ولا حُرمنا روعهـ جديدكـِ الراقي ..

دمـتي بهـذا التميـز ~

[مليحة العجمان]

مشكورين