شيله سولفوا تكفون لا عاد تسكتون لآبن فطيس آداء محمد بن زميع

[شامخه بعز ابوهاااا]

بسم الله الرحمن الرحيم ،،


السلام عليكم ورحمة الله وبركاته ،،


قصيده المحيط الهادي بوحمد بصوت الرائع محمد بن زميع ،،


آتمني تعجبكم ,,


سولفوا تكفون لا عاد تسكتون
قبل لا اهوجس وياتيني بلاي




السكات يزيد طعوني طعون
وتنكسر لاجا على راسي عصاي




سولفوا لو مابغيتوا اتسولفون
قبل لا اقعد في الحزن رايح وجاي




واضحكوا لو بالعماله تضحكون
وجاملوني لو يضايقكم حكاي




لي وليف ٍراح جعله مايهون
هو دواي وداي أو داي ودواي




راح لكن طيف زوله في العيون
مرةٍ قدامي ومرة ٍ وراي




وان سكتوا جا وهو طيفه يمون
رحت أهوجس له وأبين له ولاي




مكسب عيوني من الفرقا مزوون
تمطر لطاريه والبرق اصدقاي




كل ماطروه لو هم يمزحون
احرموني من غداي ومن عشاي




ادري انه ماتناسى الود كون
تسمع اذنه في قفاي السن عداي




وكانهم قالوا نسيته يكذبون
والا انا فيه أمتلك نظرة وراي




كان حبه لي على خبري مصون
والله ان كني بقدري وبغلاي




ذي بقايا الحب وأطلال الجنون
والله أعلم في ضميره وش بقاي




غير طيعوني ولاعاد تسكتون
والا والله ان اسمعكم بكاي








.