لأجـل عينـك دخلـت المنتـدا:)

[البركان الثائر]

أهداء خاص

ذكـر رب البشـر ف المبـتـدا=أستعيـذه مـن أبليـس اللعيـن
يلهـم القلـب ل دروب الـقـدا=والليالـي تـزيـن ولا تشـيـن
ومن تـرك كـل سيئـه وأهتـدا=في شفاعـة رسـول العالميـن
عـاده الله مصـيـاف إلـهـدا=الهـوي قطـب وأهلـه طيبيـن
العشـاء مشتهيـتـه والـغـدا=بيـن مشمـش ورمان(ن)وتيـن
لا ذكـرت الغـلا قلبـي هــدا=وأستراح الضمير أمـن الحنيـن
داوي القلـب يـا روحـي غـدا=طعنتـك فـي صميمـه مرتيـن
كل مـا قلـت لـك قلتـي بـدا=والحياء من صفـات المؤمنيـن
مـا نويتـك بنـيـات الــردا=نيتـي لـك بشـرع المسلميـن
مبتعـد عـن قـنـوات الـعـدا=ومنزلي في ريـاض الصالحيـن
ف السماء شمس ف الأرض الندا=وأنت شمس المزاييـن أجمعيـن
أعـرف اللـي بداهـا وأعتـدا=رمش عينـك وريـح الياسميـن
صرت سـاري ومنجـوم وغـدا=وجهتـه لا يسـار ولا يمـيـن
لأجـل عينـك دخلـت المنتـدا=قلتهـا وأنـت سيـد العارفيـن
فيك مأسمع صدي صـوت النـدا=يا بدر لأكتمـل فـي كـل عيـن
لكن أسمـك بقلبـي لـه صـدا=أتسلـي وأنـا قلبـي حـزيـن
فرصتـي لا تضيعـهـا ســدا=كـل مـا راح تطويـه السنيـن