.:&.:. الــــعــــذاب .:.&.:.

[راشد العتل]

" العذاااااااب "






أكرم الهم همٍ فيه ثورة وله
***************وانتظارٍ على جمر المواعيد ذاب
ان حكينا زعل من لانطيق زعله
***************وان سكتنا نسانا وأستمر العذاب
كل ما قلت عن سر الغلا بسأله
***************وانفتح باب صك الوقت تسعين باب
كل حي عدو اليوم ما يجهله
***************في حضور المحبة وش يكون الغياب
كل من جاد جوده من مواقف هله
***************مايعز الجناب إلا عزيز الجناب
انت طيب وطيبك كايدٍ مدخله
**************وانت بالوسم مأمور المطر والسحاب
ذات طيبك حجاجك بالوفا منهله
**************كل ناشد لقا له من وقاره جواب
طفل عذب الأماني بالوصل تكفله
**************لجل طيبك سجيّه ما تحسّب حساب





شعر سمو الأمير عبدالعزيز بن سعود بن محمد آل سعود

[العوووود]

الاخ ابومحمد صح اللسانك ولسان الامير عبدالعزيز بن سعود ولاهنت على الاختيار الرائع

وسمحلي على نقلهاا لمكانهاا الصحيح

تحيااااااااااتي

[فزاع]

صح لسانك يا ابومحمد ولسان الامير عبدالعزيز بن سعود
ولاهنت على النقل يالقرم.

[راكان اليامي]

لاهنت يابو محمد وصح لسانك ياذيب

[راشد العتل]

حياكم صح بدنكم

وماتقصرون على المرور

[ابو فيصل الخويطري]

لاهنت يا بومحمد وصح لسان الشاعر


الخويطري

[راشد العتل]

الله لايهينك

يالخويطر

وشاكر الاطلاله

[monamora]

صح السانك واختيار موفق وصح السان من قالها
تحياتي