الشاعر اللي له موازيين وإقياس=رده .. يشرفنا .. وله .. قابيليه

[مشعل آل فهاد]

السلام عليكم ..
قصيدة بعنوان الشامخين والشامخات للشاعر جابر بن هادي القحطاني
قصيدة قليلة ولكن معانيها ساميه مع الرد عليها من الشاعر محمد بن غريب اليامي
و القصيدة والرد عليها مضمون الكلام .. اترككم معها
ودمتم بحفظ الله

أكتب بيوت الشعر وابدع من الراس=مضمونها .. مني سلام .. وتحيه
العز مبداها .. على كل . نوماس=مثل الوفاء .. بين الخوي .. وخويه
تشبه لثار الزير في حرب جساس=من قوة المضمون .. واغلى . هديه
للشامخين أهل الوفاء كل قرناس =: اللي غلاهم .. زاد فيني شويه
وللشامخات اللي لهن تقرع أجراس=أجراس عز .. وما دخلها .. رديه

رد الشاعر محمد بن غـريب اليـامـي

يا مرحبا ماشعشعت قب الافراس=ترحيبة(ن) .. ترفع من المعنويه
ترحيبةٍ بسمي من شعور وإحساس=وإنيابة(ن) .. عن كل طيب عنيه
لاهنت يا زين النبا طيب الساس=نسل الحرار ... الندر الصيرميه
اتحفتنا ببيات من معدن اللمأس=فيها شموخ .. أهل الفعول الأبيه
فيها خصال أهل الوفاء قدوة الناس=خوه .. وأخوه ... رابطتها قويه
تشوش براسي وتجلا التعوماس=وتشوش براعي الوفاء والحميه
والشاعر اللي له موازيين وإقياس=رده .. يشرفنا .. وله .. قابيليه
وردي يشرفني وللقول نبراس=والعلم واضح .. للعقول الذكيه

[ليــه يازمـــن]

صح الله ألسانهم

ولاهنت على النــقل الرائـــع

والله يعطيك العافيه

وبارك الله فيــك

تقبل تحيتي

[على دروب الغانمين]

ماشاء الله عليهم مبدعين وقصايدهم جزلة ومعانيها طيبة

صحت السنتهم


وصح لسانك واختيارك للقصايد الجزلة ولاهنت طال عمرك
وفي انتظار جديدك

[وافي بن وافي]

مشعل ال فهاد شكرا لك على هذا النقل.. وصح لسان كل من الشاعرين

[هادي بن فهاد]

صحت السنتهم


وصح لسانك واختيارك للقصايد الجزلة ولاهنت طال عمرك

[ناثرة الورد]

{{ مشعـل ال فهـاد }}

,
,

آآبداع غير مستغرب
دمـت بهذا الرقي

تقديري ..,