قصيدة " من بغى الفرقا"

[صدى الذكرى]

.. من بغى الفرقا لقى له عذر واسباب ودليل

خل عنك العذر والاسباب دام الحب ضاع



كان ودك بالفراق ابشر عسى عمرك طويل

لا تردد وانت لك كلمه وامرن مطاع



لي عليك انك تبت بكلمتن تشفي الغليل

ولك علي اني لآوقف وقفة الرجل الشجاع




لا تجاملني مخافة (قال) مدري خوف (قيل)

عمر هرج الناس ما يسمن ولا يغني جياع




كان قصدك سر حبك اوعدك لآصبح بخيل

واحمل اسرارك معي للموت قدر المستطاع



بس قلها قل ما احبك وابشر بصبرن جميل

لا تحسبني مثل من طبعهم لوي الذراع



صاحبك ما هو كذا يا صاحب القد النحيل

صاحبك طبعه غريب وغربته غربة طباع




فالهوى ما يقبل الحل الوسط ولا القليل

مثل ماهو لاشرى يشري وليا من باع باااااع



ثابت لو هي تميل الارض تحته ما يميل ..

يدري ان الفقر ما هو عيب والدنيا متاع




ما عشق لذة حياته كثر عشق المستحيل

ولا كره حتى مماته كثر كره الانصياع



كم تعلم من شديد البدو وش معنى الرحيل

وكم تعلم من غروب الشمس وش معنى الوداع



وكم تعلم من سحاب الصيف وش معنى الحصيل

وكم تعلم من ليال البرد وش معنى الضياع



ايه انا هذا طريقي (موحش ..وصعب .. وطويل ..)
وانك لا منك تعبت العالم فجوجه وساع..



اعتبرني في بداية سكتك عابر سبيل

ورح وانا قلبي معك من وين وجهت الشراع



(,..يكفي اني لا ذكرت في سالفة عشاق قيل ..
عاشر احبابه شجاع .. وفارق احبابه شجاع .,)............؟؟؟؟

[shmoo5_ al_ajmy]

صدي الذكري

يسلموو طرح يدل علي الرقه والرقي

تقبل مروري

[العـــسر]

صاحبك طبعه غريب وغربته غربة طباع
صاحبك طبعه غريب وغربته غربة طباع
صاحبك طبعه غريب وغربته غربة طباع

يا سلاااام

صح لسان شاعرها ولاهنتي على نقلها



تقبلي جزيل الشكر

[حــســن الــعــذاب]

لاهنتي أختي صدى الذكرى

على نقل القصيدة الرائع

دمتم بحفظ الله

[صدى الذكرى]

اشكر الجميع على المشاركه

و تحيااااتي لكم

[ناثرة الورد]

{{ صــدى الذكــري }}

,,

آآبداع غير مستغرب

دمت بهذا الرقي

تقديري ..,

[الـحـلـو]

صح لسانك :: على القصيدة :: الجزلة :: وصح لسان شاعرها المبدع محمد الشهري ::

[صدى الذكرى]

تحياتي لكل من " ناثرة الورد" و " الحلو"

و اسعدني مروركم

[الغروب]

صدى الذكرى

اختيار مميز كما تعودنا منك

وصح لسان قائلها .

[اسامه الرشيدي]

صدى الذكرى

صح لسان شاعرها ولا هنتي على التقل