البـارحه والجفـن يسـقـي ,, ضــامـي الخـديـن مــاه ..!!

[احمد بن جوفان]

السلام عليكم ورحمة الله وبركاته


.
.

صبـاح الخيـر ,,

.


ابيـات متـواضعـه ,,

لا اجيد المقدمات .!

لكن على الرغم من قصرها ,, إلآ انهـا الاقرب إلي .. وكل بيت فيها من الخاطر ,, عسى ان تحوز على رضاكم

.
.

البارحـه و الجفـن يسقـي ظـامـي الخـديـن مــاه=( فرَيس ) همي اعتزوا .. و اول ضحايـاي .. الصبـر
يـا سـرع دورات الزمـان وكثـر صدمـات الحـيـاه=اخذت من (طيبي) حذر .! واخذت من جرحي ( عِبر ) .!
واخـذت مـن بعـض الوجيـه .. الـي تشـد الإنتبـاه=إن ( الكبر ) ماهو عمـر .! الـي كبـر عقلـه .. كبـر
واخذت مـن دنيـاي درس .. وكـل مـا كنـت اخفـاه=لولا الامل .. ماشفت مخلوق ٍ(ن) علـى الدنيـا .. عَبـر
اضحك واجامل وابتسم .. والحـزن فـي عينـي مـداه=ضايق وقلبـي خايـف ٍ(ن) لا يشتكـي .. ضيـق القبـر
القلب .. من يـوم فقـد مـن دنيتـه .. شـي ٍ(ن) بغـاه=مكسـور والخاطـر معـه .. مافيهـم الـي قـد جبـر
الي عطيته صادق الإحساس .. مـدري ويـش جـاه ..!=قفَـا وخلانـي وحيـد .. ولا وصــل مـنَـه خـبـر
بعيش وابقا ,, اعتبر و اصبـر .. علـى جـور الحيـاه=بلاك منهو ,, مـا خـذا مـن ذالحيـاة.. ايَـة عِبـر .!

.
.

احمد بن جوفآن

[مانع الوعيلي]

صح الله لسانك يااحمد بن جوفان قصيدة جزله من شاعر جزل ولاهنت ويعطيك العافيه

[الخليفه]

الله الله يابوخالد

شاعر جزل

لا فض فوك

بارك الله فيك ووفقك الله

[سعود الخويطري]

احمد بن جوفان


صح الله لسانك ولاهنت مليار



وتقبل سلامي

[الغروب]

الشاعر
أحمد بن جوفان
صح لسانك على الأبيات الجزله
وننتظر ابداعاتك باستمرار
دمت بتميز

[محمد العزٌآم]

الشاعر / احمد بن جوفآن



تحيُتي لكـ يا مبدع


مرور فقط لتأكيد الاعجآب و التقدير ..



اخيك : محمد آلعزٌآم

[ابونايف الوعيلي]

صح لســانــك يابن جوفــــان مبدع نفداكــ


قصيدة في قمة الروووعه



اخوووك


ابونايف الوعيلي

[همس الليل]

شـكــ وبارك الله فيك ـــرا لك ... لك مني أجمل تحية .

[اليامي والراس حامي]

صح السانك

[مناحي الصميل]

ارحب يابو خالد

صح الله لسانك مليون


وانت تخبر رأيي من مبطي

جزل ومبدع