الحـــــب : كذبــــــه / للتواصل

[فــهــد]

.
.
.

من باب التواصل

لا أكثر

أقدم لكم هذه المتواضعه

عسى أن تحوز على رضاكم

صلوا على النبي

.
.

بلا سوالف حب / وتعليـق الآمـال=بلا أمانـي / فـي طريـقٍ مشـوّك
يا صاحبي / مابه مثل راحـة البـال=توّك علـى حـب الغرانيـق تـوّك
أدري / بأنك تحسـب الحـب شـلال=والغيم غيمك / وأعذب النـوّ نـوّك
وأدري / بأنك ذابحك راعـي الشـال=وأدري / باني معكّر لصفـوْ جـوّك
خلّك بوسط رجال / للظيف .. مدهال=بهّر دلالك / قبلها .. شـبّ ضـوّك
لا .. لا يغرّك / في حلا الهجن زرفال=يعنـي توعّـى / وأنتبـه لا تغـوّك
الحب / كذبه .. والعواذيل / أشكـال=اللي رسمها / يحسب إنّـه مكـوّك
أعرف بأن مبداه / أحلام .. وآمـال=ونهايته / لوّه .. ولـوّي .. ولـوّك
ما تشوفني دايم على / ضلع الأطلال=أبكي / على فرقا ( طريقٍ مشـوّك )

.
.

سوالم

دمــــــتم

.
.
.

[الخليفه]

صح الله لسانك يابو فلاح

على هذه القصيده الجزله

من المعرف ان فهد ابن تركيه لا يخرج منه الا الجزل

أسال الله ان يبارك لك في لسانك

[فلاح بن فهيد]

صح الله لسانك يابو فلاح

على هذه القصيده

وتقبل مروري

[محمد بن ناصر الغفيلي]

مسيه \ وصبحه الله بالخير

وصح لسـانك وسلم حالك على الجزله ولايجي منك غير الجزاله يا ابو فلاح



سجلني بالكشوفات عندك دايم متابع

[العـــسر]

صح لسانك يا بن تركيه

ولاهنت على هذه القصيده

مبدع ... فإنتظار جديدك

تقبل مروري

[خالد بن رمثان]

صح الله لسانك يا بو فلاح ..


جزل و شهادتي فيك تقطر دم ..


ولااهنت ..

[" مــــابه جديــــد "]

أعرف بأن مبداه / أحلام .. وآمـال
ونهايته / لوّه .. ولـوّي .. ولـوّك

الله الله
باداع بلا حدود

لااهنت يالشيخ
وصح السانك

[الريمي 2009]

صح الله لسانك يابوفلاح تقبل مروري

[فلاح بن ملبز]

قديمه قد سمعتها

صح لسانك يا ابو فلاح

ولاهنت /:

[ابن عاجب]

صح لسااااااااانك