أغلى مسج........

[الريمي 2009]

بسم الله الرحمن الرحيم
موضوع ودي اطرحه هو عباره عن فضفضه والموضوع هو أغلى مسج وصلك وش يقول وهل له ذكرى عزيزه عليك؟ وتاريخه إذا امكن.........

وأبدى بنفسي:
أغلى مسج وصلني كان بتاريخ:21/6/2003
الساعه 1.45 دقيقه ص
وكان يقول:
تبي الصراحه وش تبي بالصراحه.......اكذب عليك ان قلت لك عايش بخير


اما انا اقول تبون الصراحه ليته ماوصلني كان عادني بخير لانه رثع فيني مع انه غالي ومن انسان صار غالي انسان لو بوصف غلاه كان ألفت مجلدات والحين ما جداي الا قولت :
الله واكبر يازمانن مضالي.......أجني زهور الورد والقلب مرتاح
في وسط بستانن غشاه الضلالي.....واليوم لازرعن ولا فيه تفاح
.................................................. .................................................. ................

[القرناسة]

خووووش موضووع ...يبيله نااس جامده اوي (مادري شفيها موجتي هالايام صوب الاهرامات )



بس تبي الصج انا اعتبر كل مسج يجيني غالي لانه كل اللى اعرفهم غالين

واكيد درجات الغلا تتفاوت من شخص الى شخص ..حيث ان شخص تغليه اكثر من الثاني


الزبده > ماعندي سالفه <


بس ابشر من يجيني اغلى مسج راح ابلغك و ادونه هنااااااا



تحياتي
وبانتظار باقي الاخوان

[النـوف]

فكرة حلوهـ .. الف شكر لك على طرحها


و مشاركتي فيها

::

هذا المسج ممكن اني تعبره اغلى مسج الى الان


::


11:17 ص
10 / 6 / 2007 م


::

ليت العمر شريط تسجيل و ينعاد .,
و اعيد اجمل ما مضى من حياتي .,
اعيد لحظات قريبات و بعاد .,
لحظات تحمل اجمل الذكرياتي .,
ايام كنا بصفوة الجو رواد .,
يوم الشمل ملتم قبل الشتاتي .,

::



تقبل مروري ـالمتـواضـع

[m!ss-83]

موضوع حيـــــل حلو

بس حسافه جهازي جديد مافيه مسجات

يعطيك العافيه

[الريمي 2009]

شاكر لكم على المرور الطيب وابشروا بكل جديد.......

[نايف الشمري]

الريمي 2009

ألف شكر لك على الفكره المميزه ..

اغـلى رسـاله ..

جار البيوت يشيل .. ويمكن يسافر

بس إنت جـار الروح .. وبالقلب ساكن ...