.<أوردها على سوق الغلا لو زاد مشراها >.

[لطــــــــــام]

السلام عليكم ورحمة الله وبركاته

صباح الخير للجميع

طارووق عقب غيبه والبساط أحمدي ....

سلام الله على ربعي هل الوقفات والهيه=واعم اهل الوفا والطيب والمعروف مبداها

ليا مني دخلت السوق جنبت الحراميه=اوردها على سوق الغلا لو زاد مشراها

[بندر العجمي]

مرحبا بك يالطام واستلم ومنك نستفيد :



هلا يامرحبا عند الرياجيل السنافيه = اقدمها على لطام يكتبها ويقراها

ليا منك دخلت السوق تلقا نارنا حيه = وترا نار المعاني ولعت بالي توطاها

[لطــــــــــام]

الله الله أستلم لاهنت .

يدوم الك البقا حنا مانابعنا جنوبيه=رجال ياعميل الخير تاطا من تحداها


بدا فالظلع ذيبن ينتف الوحده من الميه=ليا منك نويته فاشحن البندق ومخباها

[بندر العجمي]

المعذره على انفصال الاتصال وخلوهاااااا :

صراحه ماعليكم زود من هاذي وهاذيه = وترا من دور الحاجه مع الايام يلقاها

الا ياذيب ياعاوي ترانا ننّجح الكيه = وصاحبكم تغدا بالذيابه ماتعشاها

[لطــــــــــام]

بيض الله وجهك يابندر على اللعب الطيب


وحلات اللعب مباشر والعوض فالجايات


تقبل تحياتي

[بندر العجمي]

بيض الله وجهك يالطام على اللعب الطيب


وصدقت حلات اللعب مباشر والعوض فالجايات ان شالله

[عايض الوقدان]

لطـام / بنــدر



ما قصرتو وفعلا المحاوره اذا كانت مباشره يكون لها طعم



صح السنتكم ولا هنتو ..




تقبلو مروري

[عويضه الوقدان]

لطام / بندر


صح ألسنتكم ولاهنتو فعلاً مثل ماتفضلتوا حلاة اللعب مباشره


تقبلوا تحيتي ومروري

[@ مــتــعــب @]

ماقصرتو وصح السنتكم جمييييييييييييع